Saida 16:4 - BIBLIA - traduson antigu in Krioulo

⁴ SIÑOR fala Moisés: “N na fasi pa i cubi pon di seu pa bos. Jinti na ba ta sai kada dia pa kuji kil ku na justa pa ki dia. Asin N na proba elis pa jubi si e na sigi ña ordi o nau.

Saida 16:4 ပူးပေါင်းရင်းမြစ်များ

Neemias 11:23

I tenba ordi di rei aserka delis, ku ta rapati elis na grupus. Kada grupu ta teneba sirvis na si dia markadu.

Neemias 9:15

Oca ke teneba fomi, bu da elis pon di seu; oca ke teneba sedi, bu tira yagu na pedra garandi pa elis. Bu fala elis pa e yentra e toma tera ku bu yalsa mon, bu jurmenta kuma bu na da elis.

Neemias 9:20

Bu da bu bon spiritu pa nsina elis; bu ka para da elis maná pa e kume; bu da elis yagu pa mata sedi.

Salmus 105:40

E pidi; i pui manga di kodorniz pa e bin; i fartanda elis ku kumida di seu.

Salmus 78:23

Ma i da ordi pa nuvens, i yabri porta di seu,

Saida 15:25

Moisés coma SIÑOR; SIÑOR mostral un po. I botal na yagu; yagu bida dos. La ku SIÑOR da elis leis ku ordis, i proba elis,

Saida 16:15

Oca ku fijus di Israel ojal, e punta ŋutru: “Es i ke?” E ka sibiba ke ki sedu. Moisés fala elis: “Es i pon ku SIÑOR da bos pa bo kume.

Ditus 30:8

Lunjusi di mi nganu ku mintida; ka bu dan koitadesa nin rikesa, ma dan kumida ku N pirsisa kada dia.

Mateus 6:11

Patinu aos kumida ku no pirsisa del.

Lukas 11:3

Patinu kumida ku no pirsisa del kada dia.

1 Koríntius 10:3

Tudu kume un mesmu alimentu ku bin di Deus.

Ripitison di Lei 8:16

i dau maná pa bu kume, kusa ku bu papes ka kunsiba. E kusas tudu e fasidu pa pudi baŝau, pa probau, pa kusas pudi kuriu diritu na kabantada.

Ripitison di Lei 8:2

Lembra di manera ku SIÑOR bu Deus giau na tudu ki kamiñu di lala ne korenta anu ku pasa, pa fasiu umildi, pa probau, pa sibi ke ku staba na bu korson, si bu na obdisi si mandamentus o nau.

Josué 24:15

Si bo ka konkorda pa sirbi SIÑOR, bo kuji aos kin ku bo dibi di sirbi, si i ki deusis ku bo papes sirbiba na utru ladu di riu, o si i deusis di amoreus ku bo mora propi na se tera. Ma ami ku ña familia, no na sirbi SIÑOR.”