Saida 15:26 - BIBLIA - traduson antigu in Krioulo

²⁶ i fala elis: “Si bu pui sintidu diritu pa obi kil ku SIÑOR bu Deus na fala, bu fasi kusa ki bon dianti di si uju, bu pui sintidu pa obi si mandamentus, bu obdisi tudu si ordis, N ka na pui riba di bo nin un di duensas ku N pui riba di Ejitu, pabia ami i SIÑOR ku ta kurau.”

Saida 15:26 ပူးပေါင်းရင်းမြစ်များ

1 Reis 11:33

N na fasi asin pabia Salomon disan, i mpina dianti di Astarot, deus femia di jinti di Sidon, ku Kemós, deus di jinti di Moab, ku Milkon, deus di fijus di Amon. I ka yanda na ña kamiñus, i ka fasi kusa retu ña dianti, i ka obdisi ña leis ku ordis suma ku si pape Davi fasi.

1 Reis 11:38

Si bu obi tudu ku N mandau, bu yanda na ña kamiñus, bu fasi kil ki retu ña dianti, bu obdisi ña leis ku ña mandamentus, suma ku ña servu Davi fasi, N na sta ku bo, N na dau Israel, N na konfirma bu familia na renu, suma ku N konfirma kil di Davi.

2 Reis 2:21

I bai pa uju di fonti, i bota sal nel, i fala: “Asin ku SIÑOR fala: ‘N na purifika e yagu; mortu ka na sta nel mas, nin i ka na pui con pa i ka pruduzi.’ ”

2 Reis 20:5

“Riba, bu fala Ezekias, ŝef di ña pobu, kuma SIÑOR, Deus di si pape Davi, i falal: ‘N obi bu orason, N oja bu larmas. N na kurau; na terseru dia bu na bai pa kasa di SIÑOR.

2 Reis 22:2

Josias fasi kusa retu dianti di SIÑOR, i yanda na tudu kamiñu di si pape Davi; i ka disvia nin pa direita nin pa skerda.

Jo 5:18

El i ta fasi caga, i ta maral; i ta fidi, ma si mon ta kura.

Salmus 103:3

I el ku ta purda tudu ña pekadus, i ta kura tudu ña duensas.

Salmus 147:3

I ta kura kebrantadus di korson, i ta liga elis cagas.

Salmus 81:9

Ka bo tene deus strañu na bo metadi, nin ka bo mpina dianti di deus di utru tera.

Saida 12:29

Na me-noti, SIÑOR mata tudu purmeru fijus na Ejitu, desdi purmeru fiju di Faraó ku ta sintaba ku el na tronu te purmeru fiju di katibu ku staba na kalabus, ku tudu purmeru fiju di limarias.

Saida 19:5

Gosi, si bo obdisin, bo guarda ña kontratu, N na kuji bos na metadi di utru rasas pa bo sedu ña pobu ku N da garandi balur. Tudu mundu i di mi,

Saida 19:6

ma abos bo na sedu pa mi un renu di saserdotis, un pobu sagradu.’ Es i palabra ku bu na fala fijus di Israel.”

Saida 20:2

“Ami i SIÑOR bu Deus ku tirau di Ejitu, ki kau di katiberasku.

Saida 23:25

Bo na adoran, ami SIÑOR bo Deus; asin N na bensua bo kumida ku yagu. N na tira duensas na bo metadi.

Isaias 55:3

Bo bin pa mi, bo mpina bo oreja, bo sukuta pa bo pudi tene vida, pabia N na fasi un kontratu ku bos pa sempri, pa N da bos bensons ku ka ta falia ku N fala Davi aserka delis.

Isaias 57:18

“N oja se manera di yanda, ma N na kura elis. N na gia elis tambi, N torna konsola kilis ku na cora.

Jeremias 11:7

Disna di tempu ku N tira bo papes na tera di Ejitu, te aos, N avisa elis manga di bias. N mandurga, N papia ku elis, N fala: Bo para sintidu na ña palabra,

Jeremias 17:24

“‘Ma si bo pui sintidu pa obin, ami SIÑOR, bo ka yentranda kargus na portons di prasa na dia di diskansu, bo tenel suma dia sagradu, bo ka fasi tarbaju nel,

Jeremias 30:17

N na tornau bu saudi, N na kurau bu cagas, mesmu ke comau bandonadu, e fala: ‘I Sion; ningin ka ta mporta ku el!’ ” Asin ku SIÑOR fala.

Jeremias 33:6

“Ma N na tisi saudi ku kura pa e prasa; N na kura elis, N na da elis garandi pas ku suguransa.

Jeremias 7:23

ma N da elis e ordi, N fala: ‘Bo obi ña palabra; N ta sedu bo Deus, abos bo ta sedu ña pobu. Bo yanda na tudu kamiñu ku N manda bos, pa tudu pudi kuri bos diritu.’

Jeremias 8:22

I ka ten mesiñu na Jilead? I ka ten mediku la? Ke ku manda ña pobu ka kuradu?

Ezekiel 18:5

“I pudi ten un omi justu ku ta fasi kusas justu i retu.

Oseias 11:3

I ami ku nsina Efrain yanda; N pega elis mon, ma e ka ntindi kuma ami N ta kuraba elis.

Oseias 6:1

Jinti fala: “Bo bin, no riba pa SIÑOR, pabia i padasanu, ma i na kuranu; i molostanu ma i na mara no caga.

Sirmonias 26:13

Ami i SIÑOR bo Deus ku tira bos na tera di Ejitu pa bo ka sedu mas katibu di ejipsius; N kebra bo korenti na metadi; N fasi bos yanda ku kabesa firmi.

Sirmonias 26:3

“Si bo yanda na ña regras, bo rispita ña mandamentus, bo obdisi elis,

Numerus 12:13

Asin Moisés coma SIÑOR, i falal: “O Deus, N rogau pa bu kural.”

Ripitison di Lei 12:25

Ka bu kumel, pa kusas pudi kuriu diritu, ku bu fijus dipus di bo, pabia bu na fasi diritu dianti di SIÑOR.

Ripitison di Lei 12:28

Toma sintidu pa obdisi tudu regras ku N na dau, pa tudu kuriu sempri ben, ku bu fijus dipus di bo, pabia bu na fasi kil ki diritu i bon dianti di SIÑOR bu Deus.

Ripitison di Lei 13:18

si bu obdisi palabra di SIÑOR bu Deus, ku tudu si mandamentus ku N na dau aos, bu fasi kil ki diritu dianti di SIÑOR bu Deus.

Ripitison di Lei 28:27

SIÑOR na kastigau ku cagas suma ejipsius ta tene, ku tumoris, sarna ku kosera ku ka pudi kuradu.

Ripitison di Lei 28:58

Si bu ka pui sintidu pa obdisi tudu palabras de lei ku sta skritu ne libru, bu rispita e nomi gloriosu, meduñu, di SIÑOR bu Deus,

Ripitison di Lei 28:60

Tudu ki duensas ku bu ta mediba na Ejitu, SIÑOR na torna pui elis riba di bo; e na pegau.

Ripitison di Lei 32:39

“Bo oja kuma i ami, ami propi ku sedu Deus. I ka ten utru deus fora di mi. N ta mata, N ta da vida; N ta laña, N ta kura; i ka ten algin ku pudi kapli di ña mon.

Ripitison di Lei 5:1

Moisés coma tudu israelitas i fala elis: O pobu di Israel, bo sukuta leis ku regras ku N na konta bos aos. Bo pui sintidu pa sibi elis, bo obdisi elis.

Ripitison di Lei 7:15

SIÑOR na librau di tudu duensa; i ka na manda riba di bo kualker di ki duensas mau di ejipsius ku bu kunsiba la na Ejitu, ma i na pui elis riba di kilis ku odial.