Saida 14:22 - BIBLIA - traduson antigu in Krioulo

²² Fijus di Israel yanda na metadi di mar, na con seku. Yagu bida suma mura na se direita ku skerda.

Saida 14:22 ပူးပေါင်းရင်းမြစ်များ

2 Reis 2:14

I toma ki kapa di Elias ku kaiba, i sutal riba di yagu, i punta: “Nunde SIÑOR, Deus di Elias?” Oca ki suta riba di yagu, yagu dividi pa dus ladu; Eliseu kamba.

2 Reis 2:8

Elias toma si kapa, i dobral, i sutal riba di yagu. Yagu dividi pa dus ladu; elis dus e pasa na con seku.

Neemias 9:11

Bu rapati mar se dianti pa e pudi pasa na metadi del na con seku, ma kilis ku na serkaba elis, bu bota elis na kau fundu, suma pedra ku kai na mar brabu.

Salmus 106:9

I da ordi pa Mar Burmeju; kila seku. I pui elis pasa na metadi di mar suma e staba na con seku.

Salmus 136:13

I dividi Mar Burmeju na dus parti, Si bondadi i pa sempri.

Salmus 136:14

i leba Israel na metadi delis, Si bondadi i pa sempri.

Salmus 66:6

I bidanta mar tera seku; pobu kamba riu ku pe. La no fikaba kontenti ku el.

Salmus 74:15

Bu yabri fontis ku riusiñus, bu sekusi rius ku ta kuriba ku forsa.

Salmus 78:13

I dividi yagu di mar, i pui elis pasa; i pui yagu firma suma mura.

Saida 14:29

Ma fijus di Israel yanda na metadi di mar na con seku. Yagu bida pa elis suma mura na se direita ku skerda.

Saida 15:19

Oca kabalus di Faraó, ku si karus ku si omis di kabalu, e yentra na mar, SIÑOR torna yagu riba delis, ma fijus di Israel pasa na kau seku na metadi di mar.

Saida 15:8

Ku bentu di bu naris yagu bida suma monti. Korenti di yagu brabu i para suma mura. Fundu di yagu bida suma jelu na korson di mar.

Isaias 11:15

SIÑOR na seka mon di mar di Ejitu; i na sana ku si mon riba di riu Eufrates pa tisi bentu kinti, i na rapatil na seti riusiñu ku kualker algin pudi kamba ku sapatu.

Isaias 11:16

I na ten bon kamiñu pa si pobu ku sobra na Asiria, pa e pudi bin nel, suma ki tenba pa Israel oca ki sai di tera di Ejitu.

Isaias 43:16

SIÑOR yabri un kamiñu na mar, na metadi di maron forti.

Isaias 51:10

I ka abo ku sekusi ki yagu di mar fundu, ku pui kamiñu na fundu di mar pa jinti ku libertadu pudi pasa?

Isaias 63:12

El i pui si forsa gloriosu pa i marŝa na mon direita di Moisés, i findi yagu se dianti pa pudi ngaña pa si kabesa un fama ku ka ta kaba.

Isaias 63:13

I gia elis pa e pasa na ki kau fundu; suma kabalu na lala, e ka da tapada.

Zakarias 2:5

SIÑOR fala kuma i na sedu un mura di fugu na roda di prasa, kuma el mesmu i na sedu si gloria na metadi del.’ ”

Numerus 33:8

Di Pi-Airot e kamba mar pa lala. E yanda pa tris dia na lala di Etan, e sinta na Mara.

1 Koríntius 10:1

Ña ermons, N misti pa bo ntindi kuma ku no garandis di antigu staba tudu guardadu bas di nuven, kuma ke pasa tudu na Mar Burmeju.

Ebreus 11:29

I fe ku pui israelitas kamba Mar Burmeju suma na tera seku. Tropas di Ejitu mistiba kamba tambi, ma e foga na mar.

Josué 3:16

ki yagu ku na bin di riba i para kuri, i forma un garandi monton la lunju, pertu di prasa di Adan, ku sta na ladu di Zaretan. Ki yagu ku na kuri pa Mar di Arabá, ku sedu Mar Salgadu, i kortadu. Asin pobu kamba dianti di Jerikó.

Josué 3:17

Saserdotis ku na karga arka di kontratu di SIÑOR e para firmi na tera seku na metadi di Jordon, nkuantu tudu Israel kamba na tera seku, tok tudu pobu kaba kamba Jordon.

Josué 4:22

bo ta fala elis kuma Israel kamba Jordon na tera seku,

1 Samuel 25:16

E seduba suma tapada na no roda di dia ku di noti tudu ki tempu ku no na bakiaba no karnel pertu delis.