Saida 13:15 - BIBLIA - traduson antigu in Krioulo

¹⁵ Oca ku Faraó bin ntema, i ndurusi si korson, i nega disanu pa no bai, SIÑOR mata tudu purmeru fiju na Ejitu, purmeru fiju di omi tudu ku di limaria. E ku manda N na sakrifika pa SIÑOR tudu limaria macu ku yabri bariga di mame, ma tudu purmeru fiju macu di omi, N ta kumpral.

Saida 13:15 ပူးပေါင်းရင်းမြစ်များ

Salmus 105:36

Deus mata tudu purmeru fijus na se tera, ku sedu purmeru frutu di forsa di kada omi. 5

Saida 12:29

Na me-noti, SIÑOR mata tudu purmeru fijus na Ejitu, desdi purmeru fiju di Faraó ku ta sintaba ku el na tronu te purmeru fiju di katibu ku staba na kalabus, ku tudu purmeru fiju di limarias.

Saida 3:19

Ma N sibi kuma rei di Ejitu ka na disa bos bai, si i ka obrigadu ku mon forti.

Saida 34:20

Ma buru ku yabri bariga, bu na torkial ku fiju di karnel. Si bu ka torkial, bu ta kebral garganti. “Tudu bo purmeru fiju, bo na torkial. “Ningin ka dibi di bin ña dianti mon limpu.

Saida 4:23

N falau ja pa bu larga ña fiju pa i bai fasin sakrifisiu, ma abo, bu nega largal. Ami N na mata bu purmeru fiju.’ ”

Numerus 18:15

Tudu purmeru fiju di omi o di limaria ku pursentadu pa mi, i di bo. Ma bu na seta si pagamentu ku troka si i sedu purmeru fiju di omi o di limaria ku ka ta roniadu ku el.

Numerus 3:46

Suma ku numeru di purmeru fijus di Israel i mas di ki numeru di levitas, ki 273 ku sobra e ten ku kumpradu.