Saida 12:27 - BIBLIA - traduson antigu in Krioulo

²⁷ bo ta fala elis: ‘Es i sakrifisiu di Paskua pa SIÑOR ku pasa riba di kasas di fijus di Israel na Ejitu, i libra no kasas, oca i na mataba ejipsius.’ ” Asin pobu mpina e ngaba Deus;

Saida 12:27 ပူးပေါင်းရင်းမြစ်များ

1 Kronikas 29:20

Dipus Davi fala tudu juntamentu: “Bo ngaba SIÑOR bo Deus!” Asin tudu pobu mborka dianti di SIÑOR, tambi dianti di rei, e ngaba SIÑOR Deus di se papes.

2 Kronikas 20:18

Jeosafá mborka na con; tudu jinti di Judá ku Jerusalen e kai dianti di SIÑOR pa adoral.

2 Kronikas 29:30

Rei Ezekias ku ŝefis e fala levitas pa e ngaba SIÑOR ku ki palabras di Davi ku di anunsiadur Asaf. Asin e kanta ku kontentamentu pa ngaba Deus, e mpina e adoral.

Neemias 8:6

Esdras ngaba SIÑOR, ki garandi Deus. Tudu jinti yalsa mon, e ruspundi: “Amen! Amen!” E mpina ku rostu na con, e adora SIÑOR.

Salmus 44:1

O Deus, no obi ku no propi oreja, no papes kontanu kusas ku bu fasi na se tempu, na dias di antigu.

Salmus 78:5

I pui lei ku nsinamentu na Israel, ku sedu jorson di Jakó, i manda no papes pa e pasanta ki lei pa se fijus,

Saida 10:2

pa bu pudi konta storia pa bu fijus ku netus, aserka di kusas ku N fasi na Ejitu, ku milagris ku N fasi na se metadi, pa bo pudi sibi kuma ami N sedu SIÑOR.”

Saida 12:11

Bo na kumel ku panu maradu na rabada, ku bo sapatus na pe, ku manduku na mon. Bo kumel kinti-kinti; es ki Paskua di SIÑOR.

Saida 12:23

Ora ku SIÑOR pasa pa mata ejipsius, i na oja sangi na dus ladu di porta ku la riba, i na pasa riba di ki porta, i ka na disa ki matadur yentra na bo kasas pa mata bos.

Saida 12:28

dipus e bai fasi tudu ku SIÑOR mandaba Moisés ku Aron.

Saida 13:14

“Ora ku bu fiju bin puntau: ‘Es i ke?’ bu ta falal: ‘SIÑOR tiranu ku mon forti na Ejitu, ocanu na katiberasku.

Saida 13:8

Na ki mesmu dia bu ta konta bu fiju: ‘N na fasi es pabia di kil ku SIÑOR fasin, oca ku N sai na Ejitu.’

Saida 34:25

“Ka bu pursenta sangi di kualker limaria ku sakrifikadu pa mi juntu ku pon ku tene fermentu. Ka bu disa nin un padas di limaria ku sakrifikadu na festival di Paskua pa i fika te parmaña.

Saida 34:8

Na ki ora Moisés mborka na con, i adora Deus,

Saida 4:31

E seta; oca ke obi kuma SIÑOR binba pa fijus di Israel, i oja se kastigu, e mpina, e ngaba SIÑOR.

1 Koríntius 5:7

Bo ten ku bota fora fermentu beju di pekadu, pa bo sedu limpu, pa bo sedu nobu masa sin fermentu, suma ku bo sedu na bardadi, pabia Kristu, ki no Karnel di Paskua, i sakrifikadu ja pa nos.

Ripitison di Lei 16:2

Sakrifika karnel o baka di Paskua pa SIÑOR bu Deus na kau ki na kuji pa pui si nomi la.

Ripitison di Lei 16:5

Bu ka pudi sakrifika Paskua na kualker un di bu prasas ku SIÑOR bu Deus dau,