Saida 12:16 - BIBLIA - traduson antigu in Krioulo

¹⁶ Na purmeru dia i na ten juntamentu sagradu; tambi na setimu dia i na ten utru juntamentu sagradu. Nin un tarbaju ka na fasidu na ki dia; son kumida ku bo pudi purpara pa kada kin kume.

Saida 12:16 ပူးပေါင်းရင်းမြစ်များ

Saida 16:23

Moisés fala elis: “Es i ordi ku SIÑOR da: Amaña i dia di diskansu, sagradu pa SIÑOR. Kil ku bo misti kusña na furnu, bo kusñal. Kil ku bo misti firbinti na yagu, bo firbintil. Kil ku sobra, bo rakadal pa bos pa amaña.”

Saida 16:29

Bo jubi, ka bo diskisi kuma SIÑOR da bos un dia di diskansu. Asin, na sestu dia, i ta da bos pon pa dus dia. Na setimu dia kada kin ta fika na si lugar; ka ningin sai.”

Saida 16:5

Na sestu dia e na kuji dus bias di kil ke ta kuji na un dia, e na purparal.”

Saida 20:10

ma setimu dia i dia di diskansu pa SIÑOR bu Deus. Ka bu fasi nin un tarbaju, nin abo nin bu fiju macu o femia, nin bu katibu macu o femia, nin bu limaria, ku fadi bu ospri ku sta na bu kasa,

Saida 34:18

“Guarda festival di pon sin fermentu. Pa seti dia bu na kume pon sin fermentu, suma ku N mandauba, na tempu propi di mis di Abib, pabia i na ki mis ku bu sai na tera di Ejitu.

Isaias 1:13

Ka bo tisi mas ofertas na nada. Nsensu pa mi i nujenti, suma tambi bo kultus di lua nobu ku dias di diskansu ku bo juntamentus. Bo pekadu, N ka pudi nguental, nin bo juntamentu riliẑiosu.

Sirmonias 23:21

Na ki mesmu dia bo na anunsia kuma bo tene juntamentu sagradu; bo ka na fasi nin tarbaju di kustumu. Es i na sedu un lei ku na dura pa tudu tempus ku na bin, na tudu kau ku bo mora.

Sirmonias 23:27

“Dia 10 di ki setimu mis na sedu dia di sakrifisiu pa pekadu. Bo na tene un juntamentu sagradu; bo nega bo propi kabesa, bo pursenta oferta kemadu pa SIÑOR.

Sirmonias 23:35

Purmeru dia i na ten juntamentu sagradu; bo ka na fasi nin un tarbaju di kustumu.

Numerus 28:18

Na purmeru dia i na ten juntamentu sagradu. Ka bo fasi nin un tarbaju na ki dia.

Numerus 28:25

Na setimu dia bo na tene utru juntamentu sagradu; ka bo fasi nin un tarbaju na ki dia.

Numerus 28:26

“Ora ku seti semana pasa, na ki dia ku bo leba oferta di kumida di kebur nobu pa SIÑOR, bo na tene utru juntamentu sagradu; ka bo fasi nin un tarbaju na ki dia.

Numerus 29:1

“Na purmeru dia di setimu mis bo na tene juntamentu sagradu; ka bo fasi nin un tarbaju na ki dia. I na sedu un dia pa bo toka korneta.

Numerus 29:12

“Na dia 15 di setimu mis bo na tene un juntamentu sagradu. Ka bo fasi nin un tarbaju na ki dia. Pa seti dia bo ta fasi festival pa SIÑOR.

Bon Noba di Jesus Kristu ku Jon 19:31

I seduba dia ku na mansi pa dia di diskansu, dia garandi di festival di Paskua. Pa ka kurpus fika na krus na ki dia, judeus pidi Pilatus pa i manda kebra se pernas, pa e tiradu na krus.

Ripitison di Lei 16:8

Duranti seis dia bu na kume pon ku ka tene fermentu; na setimu dia bu na tene juntamentu pa SIÑOR bu Deus; bu ka na fasi nin un tarbaju na ki dia.