Saida 1:7 - BIBLIA - traduson antigu in Krioulo

⁷ fijus di Israel padi, e buri tok e ciu dimas; e torna forti, tok e inci tera.

Saida 1:7 ပူးပေါင်းရင်းမြစ်များ

Kumsada 1:20

Deus fala: “Pa yagu inci ciu ku manga di limaria bibu; pa kacus bua na seu, riba di tera.”

Kumsada 1:28

Deus bensua elis, i fala elis: “Bo padi ciu, bo inci mundu, bo manda riba del. Bo manda riba di pis di mar, riba di kacus di seu, riba di tudu limarias ku ta yanda na tera.”

Kumsada 12:2

N na fasiu un garandi nason, N na bensuau, N na fasi bu nomi pa i sedu garandi; bu na sedu un benson.

Kumsada 13:16

N na fasi bu jorson suma reia, manera ku, si algin pudi fasi konta di reia, asin tambi i pudi fasi konta di bu jorson.

Kumsada 15:5

I lebal pa fora, i falal: “Jubi pa seu, bu fasi konta di strelas, si kontra bu pudi konta elis.” I rabida, i falal: “Asin ku bu jorson na sedu.”

Kumsada 17:16

pabia N na bensual, N na dau un fiju ku el. N na bensual; i na sedu mame di nasons; reis di nasons na sai nel.”

Kumsada 22:17

sin falta N na bensuau, N na fasi bu jorson pa i ciu suma strelas di seu o suma reia ku sta na praia di mar. E na ngaña se inimigus, e toma se prasas.

Kumsada 26:22

I munda di la, i torna koba utru fonti. Ningin ka jusia riba del. Asin i comal Reobot, i fala: “Gosi ja, SIÑOR danu mas lugar; no na buri na tera.”

Kumsada 26:4

N na pui bu jorson pa i ciu suma strelas di seu; N na da bu jorson tudu e teras. Tudu nasons di mundu na bensuadu pabia di bu jorson,

Kumsada 28:14

Bu jorson na ciu suma reia na con; bu terenu na bai desdi kaida di sol te na si saida, di norti pa sul. Tudu rasas di mundu na sortiadu pabia di bo ku bu jorson.

Kumsada 35:11

Deus falal mas: “Ami i Deus ku ten tudu puder. Bu na padi, tok bu jorson ciu. Bu na sedu pape di un nason, ku manga di nason. Reis na sai na bu jorson.

Kumsada 46:3

I falal: “Ami i Deus, Deus di bu pape. Ka bu ten medu di bai pa Ejitu, pabia la N na fasiu un garandi nason.

Kumsada 47:27

Asin fijus di Israel bin mora na Ejitu, na tera di Gosen. Ki terenu bin sedu di selis. E padi manga di fiju tok e bin ciu dimas.

Kumsada 48:16

ki anju ku kaplintin di tudu mal, pa i bensua e rapasis, pa e comadu na ña nomi, ku nomi di ña papes Abraon ku Isak; pa e buri suma multidon na tera.”

Kumsada 48:4

i falan: ‘N na fasiu pa bu padi, bu buri ciu. N na pui pa bu sedu multidon di rasa. N na dau e tera pa bu jorson dipus di bo, suma diritu pa sempri.’

Kumsada 9:1

Deus bensua Noe ku si fijus, i fala elis: “Bo padi ciu, tok bo inci mundu.

Neemias 9:23

Bu buri elis fijus ciu suma strelas di seu, bu leba elis pa tera ku bu falaba ja se papes kuma e na bin yentra pa tenel.

Salmus 105:24

Deus pui si pobu pa e padi ciu; i fasi elis forti mas di ki se inimigus.

Salmus 107:38

I bensua elis tok e buri ciu; i ka disa se limarias pa e menusa.

Saida 1:12

Ma konformi e na kastiga elis, e mas na buri, tok e na inci tera. Asin ejipsius mas sinti ameasadu delis,

Saida 12:37

Fijus di Israel kumsa yanda ku pe, di Ramasés te na Sukot. E seduba serka di seizentus mil omi, fora di minjeris ku mininus.

Saida 5:5

Abos bo mas ciu di ki nos, ma bo na pui elis pa e para tarbaju!”

Ezekiel 16:7

N pui pa bu kirsi suma planta na orta; asin ku bu kirsi tok bu garandi, bu bonitu dimas. Bu forma pitu, bu kabelu kirsi, ma inda bu ka teneba ropa pa kubri ku el.

Atus 13:17

Deus de pobu di Israel kuji no papes, i fasi elis un garandi pobu oca e sedu stranjerus na tera di Ejitu, nunde ki tira elis ku mon forti.

Ripitison di Lei 10:22

Oca ku bu papes baiba pa Ejitu e seduba setenta jinti, ma gosi SIÑOR bu Deus fasi bos bo ciu suma strelas na seu.

Ripitison di Lei 26:5

Dipus bu na diklara dianti di SIÑOR bu Deus, bu fala: “Ña pape sai di Siria, i yanda-yanda, i bai pa Ejitu ku puku jinti, i mora la; la ki aumenta tok i ciu, i bin sedu garandi nason forti.