Ruti 4:15 - BIBLIA - traduson antigu in Krioulo

¹⁵ I na arnoba bu vida, i na bin sustentau na bu bejisa, pabia bu netu, ku amau, ku sedu minjor di ki seti fiju pa bo, i el ku padil.”

Ruti 4:15 ပူးပေါင်းရင်းမြစ်များ

Kumsada 45:11

N na sustentau la, pabia i na ten sinku anu di fomi ku falta inda. Bin pa bu ka muri ku fomi, abo ku bu familia ku tudu ku bu tene.’

Kumsada 47:12

José sustenta si pape ku si ermons ku tudu familias di si ermons, i da elis kumida, konformi numeru di se fijus.

Salmus 55:22

Pui bu fadiga riba di SIÑOR; el i na nguentau; nunka i ka na disa pa justu bulbulidu.

Ditus 18:24

Omi ku tene manga di amigu, se amisadi pudi ka ta tarda, ma i ten amigu mas pertu di ki ermon.

Isaias 46:4

Te na bo bejisa, ami N ka na muda; N na toma konta di bos tok bo tene kabelu branku. I ami ku kumpu bos, ami tambi ku na leba bos, N na toma konta di bos, N na guarda bos suguru.

Ruti 4:16

Noemi toma mininu, i sintandal na si perna, i toma konta del.

1 Samuel 1:8

Si omi Elkana ta puntalba: “Ana, pabia di ke ku bu na cora? Ke ku manda bu ka na kume? Pabia di ke ku bu sta ku kasabi na bu korson? Nta N ka sedu mas minjor pa bo di ki des fiju?”

1 Samuel 2:5

Kilis ku staba fartu e na buska tarbaju pa e pudi oja kumida; kilis ku teneba fomi, gosi e para tene fomi. Minjer ku ka ta padi i tene seti fiju; kil ku teneba manga di fiju i fika fraku.