Ruti 4:13 - BIBLIA - traduson antigu in Krioulo

¹³ Asin Boaz toma Ruti pa i sedu si minjer. E junta; SIÑOR judal pa i preña, i padi un fiju.

Ruti 4:13 ပူးပေါင်းရင်းမြစ်များ

Kumsada 20:17

Abraon ora Deus. Deus kura Abimelek ku si minjer, ku si katibus femia, pa e pudi padi fijus,

Kumsada 25:21

Isak fika i na ora SIÑOR pa si minjer, pabia i ka ta padi. SIÑOR obi si orason. Rebeka, si minjer, preña.

Kumsada 29:31

SIÑOR oja kuma Jakó ka muitu gosta di Leia, i judal pa i tene fijus, ma Rakel ka pudiba padi.

Kumsada 30:2

Jakó paña raiba di Rakel, i puntal: “Nta ami N sta na lugar di Deus? I el ku tujiu padi.”

Kumsada 33:5

Dipus Esaú yalsa si uju, i oja minjeris ku mininus, i punta: “E jinti ku sta ku bo i kin?” Jakó falal: “Es i fijus ku Deus pa si bondadi i da bu servu.”

Salmus 113:9

I ta pui minjer ku seba pa i sinta na metadi di familia, pa i sedu mame di fijus, i kontenti. Bo ngaba SIÑOR!

Salmus 127:3

Fijus i yardansa di SIÑOR, i benson ki dau.

Ruti 3:11

Ka bu ten medu, ña fiju. N na fasi tudu ku bu fala, pabia tudu jinti di ña prasa sibi kuma abo i bon minjer.

Ruti 4:12

pa familia ku SIÑOR na dau ku ki minjer sedu suma familia di Perez, ku Tamar padi ku Judá.”

1 Samuel 1:27

N na pidiba Deus pa i dan e mininu. SIÑOR dan kil ku N pidil.

1 Samuel 2:5

Kilis ku staba fartu e na buska tarbaju pa e pudi oja kumida; kilis ku teneba fomi, gosi e para tene fomi. Minjer ku ka ta padi i tene seti fiju; kil ku teneba manga di fiju i fika fraku.