Ruti 3:9 - BIBLIA - traduson antigu in Krioulo

⁹ I puntal: “Abo i kin?” I ruspundil: “Ami i Ruti, bu kriadu. Distindi ponta di bu manta riba di bu kriadu, pabia i abo ku sedu ki algin ku dibi di toma konta di mi.”

Ruti 3:9 ပူးပေါင်းရင်းမြစ်များ

Ezekiel 16:8

“‘N torna pasa lungu di bo, N ojau, N nota kuma bu staba ja maduru pa amor. N distindi ponta di ña manta riba di bo, N kubriu kurpu. N jurmenta pa bo, N fasi kontratu ku bo; bu pasa sedu di mi. Asin ku SIÑOR Deus fala.

Lukas 14:11

Tudu kil ku yalsa si kabesa, i ta baŝadu. Kil ku baŝa si kabesa, i na yalsadu.”

Ruti 2:20

Noemi fala Ruti: “SIÑOR na bensual, pabia SIÑOR ka para fasi si bondadi pa bibus ku mortus.” I fala: “Ki omi i no parenti tokadu. I un di kilis ku dibi di sakuranu.”

Ruti 3:10

Boaz falal: “SIÑOR ta bensuau, ña fiju. E bon kusa ku bu na fasi gosi i minjor di ki kil ku bu fasi purmeru, pabia bu ka pega tras di nin un de rapasis nobu, nin riku nin koitadi.

Ruti 3:12

Na bardadi ami N sedu bu parenti tokadu, ma i ten utru ku sedu bu parenti tokadu mas di ki mi.

Ruti 3:8

Pertu di me-noti Boaz panta na sonu, i rabida, i oja un minjer dita na si pe.

Ruti 4:4

N fala kuma N na pui e asuntu bu dianti, pa bu toma ki con dianti de garandis di ña pobu ku sinta li. Si bu na kumpral, bu ta kumpral. Si bu ka na kumpral, bu ta kontan, pa N sibi, pabia i abo ku ten diritu di kumpral. Dipus di bo i ami.” Omi falal: “N na kumpral.”

Ruti 4:6

Ki omi fala: “Ne kasu N ka pudi kumpral, pabia i pudi dana ña propi yardansa. N na ntregau ña diritu pa bu pudi kumpral, pabia ami N ka na pudi kumpral.”

1 Samuel 25:41

Abigail lanta, i mpina ku rostu na con, i fala: “N sta pruntu pa sedu si servu, pa laba pe di restu di si servus.”