Ruti 2:10 - BIBLIA - traduson antigu in Krioulo

¹⁰ Ruti mpina ku rostu na con, i puntal: “Pabia di ke ku N oja fabur dianti di Ñu, manera ku Ñu nota pa mi, ku sedu stranjeru?”

Ruti 2:10 ပူးပေါင်းရင်းမြစ်များ

Kumsada 18:2

I yalsa uju, i oja tris omi ku firmaba pertu del. I jubi elis, i kuri di porta di tenda pa bai kontra ku elis, i mpina pa con, i fala:

2 Samuel 19:28

pabia tudu familia di ña pape i jinti ku mersi mortu dianti di Ñu Rei, ma bu pui bu servu na metadi di kilis ku ta kume na bu mesa. Nta kal diritu ku N ten mas pa pidi Ñu Rei fabur?”

2 Samuel 7:18

Rei Davi yentra, i toma si lugar dianti di SIÑOR, i falal: “SIÑOR Deus, ami i kin? Ña familia i ke, manera ku bu tisin te li?

2 Samuel 9:8

I torna mpina, i puntal: “Kin ki ami, bu servu, pa bu pudi nota pa mi, ku sedu suma un kacur mortu?”

Sirmonias 19:34

Stranjeru ku mora ku bos i ten ku tratadu suma fiju di tera. Bu na amal suma bu kabesa propi, pabia bo seduba stranjerus na tera di Ejitu. Ami i SIÑOR bo Deus.

Mateus 25:35

N teneba fomi, bo dan di kume; N teneba sedi, bo dan di bibi; N seduba ospri, bo gasijan;

Lukas 1:43

Ami i kin, pa mame di ña Siñor bin visitan?

Lukas 1:48

pabia i lembra di mi, si servu umildi. Disna di gosi tudu jinti na ba ta coman ‘Sortiadu’,

Romanus 12:10

Bo ama ŋutru di tudu bo korson, suma ermons. Bo da ŋutru purmeru lugar ku rispitu.

Ruti 2:11

Boaz ruspundi i falal: “N obi tudu kusa ku bu fasi pa bu sogra dipus di mortu di bu omi; bu disa bu pape ku bu mame, ku tera nunde ku bu padidu, bu bin pa pobu ku bu ka kunsiba.

Ruti 2:13

Ruti falal: “I bon pa N kontinua oja fabur dianti di Ñu, pabia Ñu konsolan, Ñu papia diritu ku mi, mesmu ku N ka sedu igual ku un di kriadus di Ñu.”

Ruti 2:19

Si sogra puntal: “Nunde ku bu kuji aos? Na lugar di kin ku bu tarbaja? Ki algin ku nota pa bo i na bensuadu.” Ruti splika si sogra kin ki tarbaja ku el, i falal: “Nomi di omi ku N tarbaja ku el aos i Boaz.”

Ruti 2:2

Un dia, ki moabita Ruti fala Noemi: “N misti bai jubi si N ta oja algin ku na disan kuji garan tras di kebraduris na si lugar.” Noemi falal: “Bai, ña fiju.”

Ruti 2:9

Ba ta jubi lugar ke na kebra nel, bu bai se tras. N da rapasis ordi pa ka e toka na bo. Si bu tene sedi, bu ta bai pa puti, bu bibi yagu ku rapasis kata.”

1 Samuel 25:23

Oca Abigail oja Davi, i ria kinti-kinti na buru, i mpina, i mborka ku rostu na con na pe di Davi,