Ruti 1:6 - BIBLIA - traduson antigu in Krioulo

⁶ Un dia i lanta, ku viuvas di si dus fiju, pa riba pa si tera, pabia, la na Moab, i obiba kuma SIÑOR bin juda si pobu, i da elis kumida.

Ruti 1:6 ပူးပေါင်းရင်းမြစ်များ

Kumsada 21:1

SIÑOR mostra fabur pa Sara suma ki falaba, i fasi Sara ki kusa ki kontalba.

Kumsada 28:20

Jakó jurmenta i fala: “Si Deus sta ku mi, i guardan ne bias ku N sta nel, i dan kusa di kume, ku ropa pa N bisti,

Kumsada 48:15

I bensua José, i fala: Deus, ku ña papes Abraon ku Isak yandaba na si pursensa, ki Deus ku sedu ña Gia disna di dia ku N padidu te aos,

Kumsada 50:25

José pui fijus di Israel pa e jurmenta, i fala elis: “N sibi sertu kuma Deus na bin juda bos. Na ki tempu bo na tira ña os li, bo lebal.”

Salmus 102:14

Bu servus ten amor pa pedras di Sion, e sinti pena di si reia.

Salmus 111:5

I ta da kumida pa kilis ku rispital; sempri i ta lembra di si kontratu.

Salmus 132:15

N na bensual ku manga di kumida; N na fartanda si koitadis ku kusa di kume.

Salmus 145:15

Uju di tudu sta na bo; bu ta da elis se kumida na tempu sertu.

Salmus 146:7

I ta fasi justisa pa kilis ku kalkadu, i ta da kumida pa kilis ku tene fomi. SIÑOR ta liberta kilis ku sta na kalabus.

Salmus 147:14

I ta pui pas na bu fronteras, i fartanda bos ku foriña finu.

Saida 3:16

Bai bu junta garandis di Israel, bu fala elis: ‘SIÑOR, Deus di bo papes, Deus di Abraon, Isak ku Jakó, i bin pa mi, i falan: “N bin pa bos. N oja ke ku bo fasidu na Ejitu.

Saida 4:31

E seta; oca ke obi kuma SIÑOR binba pa fijus di Israel, i oja se kastigu, e mpina, e ngaba SIÑOR.

Ditus 30:8

Lunjusi di mi nganu ku mintida; ka bu dan koitadesa nin rikesa, ma dan kumida ku N pirsisa kada dia.

Isaias 55:10

Suma ora ku cuba ku nevi kai na seu, i ka ta riba pa la sin regua con, pa pui plantas kirsi, e padi, pa e pudi da simentera pa labradur, ku kumida pa kil ku ta kume,

Jeremias 29:10

“‘Asin ku ami, SIÑOR, N fala: Ora ku setenta anu pasa na Babilonia, N na bai pa bos, N na kumpri ña bon purmesa pa bos, N na torna tisi bos pa e lugar.

Joel 2:19

SIÑOR na ruspundi, i fala si pobu: “Ali N na manda bos trigu, biñu nobu ku azeiti; bo na farta ku elis. N ka na torna ntrega bos pa nasons koba bos.

Sofonias 2:7

Jinti ku sobra di jorson di Judá na tene ki tera lungu di mar pa bakia se limarias. Di noti e na bai dita na kasas di Askelon, pabia SIÑOR se Deus i na sta ku elis, i na torna se katibus na se tera.

Mateus 6:11

Patinu aos kumida ku no pirsisa del.

Lukas 1:68

“No ngaba Siñor Deus di Israel, pabia i bin visita si pobu, i liberta elis.

Lukas 19:44

e na durbau, ku bu fijus ku sta dentru di bu mura; e ka na disa nin un pedra riba di utru na bo, pabia bu ka rapara tempu ku Deus visitau.”

1 Timótiu 6:8

Asin si no tene kumida ku ropa, no dibi di kontenti.

1 Pedru 2:12

Bo yanda diritu na metadi di kilis ku ka kunsi Deus. Asin, ora ke na koba bos mal suma kin ku ta fasi mal, e pudi rapara bon tarbaju ku bo na fasi, e ta ngaba Deus na dia ki na visitanu.

Ruti 1:5

Malon ku Kilion muri tambi, tudu dus. Asin Noemi fika el son, sin si fijus nin si omi.

Ruti 1:7

Asin i sai na kau ki staba nel, ku viuvas di si dus fiju, e pega na kamiñu pa riba pa tera di Judá.

1 Samuel 2:21

SIÑOR bensua Ana; i preña, i padi tris fiju macu ku dus femia. Rapas Samuel na kirsiba dianti di SIÑOR.