Ruti 1:5 - BIBLIA - traduson antigu in Krioulo

⁵ Malon ku Kilion muri tambi, tudu dus. Asin Noemi fika el son, sin si fijus nin si omi.

Ruti 1:5 ပူးပေါင်းရင်းမြစ်များ

Isaias 49:21

Bu na punta bu kabesa: ‘Kin ku padin esis? N staba ja sin fijus, sebadu; N serkaduba, N bai pa katiberasku; kin gora ku krian esis? N disaduba ami son, ma esis, nunde ke sai nel?’ ”

Jeremias 2:19

I bu maldadi ku na kastigau; bu disviu ku na raprindiu. Pensa diritu, bu jubi kuma ki sedu un kusa mau i malgos pa bu disa SIÑOR bu Deus, bu ka ten rispitu pa el.” Asin ku SIÑOR Deus ku ten tudu puder fala.

Lukas 7:12

Oca ki ciga pertu di porton di prasa, i kontra ku jinti ku na leba un difuntu, un fiju son di si mame ku seduba viuva. Manga di jinti di prasa na kumpañal.

Ripitison di Lei 32:39

“Bo oja kuma i ami, ami propi ku sedu Deus. I ka ten utru deus fora di mi. N ta mata, N ta da vida; N ta laña, N ta kura; i ka ten algin ku pudi kapli di ña mon.

Ruti 1:2

Nomi di ki omi i Elimelek; nomi di minjer i Noemi; nomi di se dus fiju i Malon ku Kilion. E seduba efrateus di Belen di Judá. E ciga na tera di Moab, e bai fika la.

Ruti 1:4

Elis e ranja minjeris di Moab; nomi di un son i Orfa, di ki utru i Ruti. Dipus de fika la kuas des anu,

Ruti 1:6

Un dia i lanta, ku viuvas di si dus fiju, pa riba pa si tera, pabia, la na Moab, i obiba kuma SIÑOR bin juda si pobu, i da elis kumida.