Romanus 9:32 - BIBLIA - traduson antigu in Krioulo

³² Pabia di ke? Pabia e ka buskal ku fe, ma e na lida pa buskal ku kusas ke ta fasi. E mbaransa na “pedra di da tapada”,

Romanus 9:32 ပူးပေါင်းရင်းမြစ်များ

Isaias 8:14

El i na sedu kau sagradu pa bos, ma pa tudu dus renu di Israel, i na sedu pedra di da tapada, un pedra garandi ku na pui jinti kai nel. Pa moraduris di Jerusalen i na sedu armadilia ku ridia.

Isaias 8:15

Manga delis na da tapada, e na kai, e kebrantadu, e pañadu prezu na armadilia.”

Mateus 13:57

E ka fika kontenti ku el, ma Jesus fala elis: “Kualker anunsiadur i ta rispitadu na tudu parti; son na si tera ku na si familia ki ka ten rispitu.”

Lukas 2:34

Simeon bensua elis, i fala Maria, mame di Jesus: “E mininu i distinadu pa i pui manga di jinti na Israel pa e kai, tambi pa lantanda manga delis. I na sedu sinal ku jinti na fala kontra el,

Lukas 7:23

Sortiadu i kil ku ka pirdi fe na mi.”

Romanus 10:3

E ka kunsi manera ku Deus ta fasi jinti justu. E buska sedu justu na se propi manera; e ka seta manera ku Deus ranja pa elis.

Romanus 11:11

Nta N punta: E mbaransa pa e pudi kai? Nau, i ka el. Pabia di se kaida salbason bin pa kilis ki ka judeu, pa lantanda judeus kumbosadia.

Romanus 4:16

Asin purmesa i pabia di fe, pa i pudi dadu di grasa, pa i sedu purmesa sertu pa jorson di Abraon. I ka son pa kilis ku tene lei, ma tambi kilis ku ten fe suma Abraon, kil ku sedu pape di nos tudu.

1 Koríntius 1:23

ma anos no ta konta aserka di Kristu krusifikadu, ku sedu ofensa pa judeus, tulesa pa gregus,

1 Pedru 2:6

E ku manda i fala na Skritura: “Bo jubi, N kuji un pedra di balur ku N na pui suma purmeru pedra di kantu na Sion. Kin ku fia nel ka ta fika ku borgoña.”

1 Pedru 2:8

Tambi i sta skritu kuma i “Pedra ku ta pui algin da tapada, un roca ku ta fasi algin kai.” E ta da tapada pabia e ka obdisi palabra. Asin ki distinadu pa elis.