Romanus 9:27 - BIBLIA - traduson antigu in Krioulo

²⁷ Oca Isaias na konta di Israel, i yalsa vos, i fala: “Nin ku pobu di Israel sedu ciu suma reia di mar, ma un bokadu son ku na sedu salbu,

Romanus 9:27 ပူးပေါင်းရင်းမြစ်များ

Kumsada 22:17

sin falta N na bensuau, N na fasi bu jorson pa i ciu suma strelas di seu o suma reia ku sta na praia di mar. E na ngaña se inimigus, e toma se prasas.

Esdras 9:14

Nta no na torna kebra bu mandamentus, no kasa ku jinti ku ta fasi ki kusas nujenti? Si no fasi asin, bu na ten raiba kontra nos tok bu kaba ku nos tudu, bu ka disa nin un son pa i kapli.

Esdras 9:8

“Gosi, pa un bokadiñu di tempu, SIÑOR no Deus i mostranu fabur, i disanu utrus ku kapli, i danu un kau firmi ne lugar sagradu, i pui no uju pa i tene lus; i judanu pa no tene nobu vida mesmu na no katiberasku.

Isaias 1:1

Es i vison ku Isaias, fiju di Amoz, ojaba aserka di Judá ku Jerusalen, na tempu di Uzias, Jotan, Akaz ku Ezekias, reis di Judá.

Isaias 1:9

Si SIÑOR ku ten tudu puder ka disanuba utrus ku sobra ku vida, no na danaduba suma Sodoma ku Gomora.

Isaias 11:11

Na ki dia SIÑOR na torna distindi si mon pa liberta restu di si pobu, kilis ku sobra na Asiria, Ejitu, Patros, Etiopia, Elan, Babilonia, Amat, ku na jius ku teras lungu di mar.

Isaias 24:13

Na mundu, na metadi di nasons, i na sedu suma ora ku olivera i sakudidu, o suma restu ora ku uvas kujidu na se pe.

Jeremias 44:14

Nin un son di restu ku bin sinta na tera di Ejitu ka na kapli ku si vida, pa riba pa tera di Judá nunde ke na misti mora nel; son pukus ku na kuri e kapli.’ ”

Jeremias 5:10

N na da ordi pa inimigus pa e pasa na orta di pe di uva, pa danal, ma pa ka e kaba ku el tudu. N na fala elis pa e tira si ramus pabia e ka sedu di SIÑOR.

Ezekiel 6:8

“‘Ma N na disa utrus kapli di spada, ora ku bo pajigadu na tera di utru nasons.

Oseias 1:10

Fijus di Israel na ciu suma reia di mar, ku ka pudi mididu nin fasidu konta del. Nunde ke faladu: “Abos i ka ña pobu,” e na faladu: “Abos i fijus di Deus bibu.”

Joel 2:32

Na ki tempu, tudu algin ku coma nomi di SIÑOR i na sedu salbu. Na monti di Sion, tambi na Jerusalen, i na ten libramentu, suma ku SIÑOR fala, na metadi di kilis ku fika ku vida, kilis ku SIÑOR coma.