Romanus 9:20 - BIBLIA - traduson antigu in Krioulo

²⁰ Abo i kin, omi, ku na diskuti ku Deus? Nta puti ta punta kil ku kumpul: “Pabia di ke ku bu kumpun de manera?”

Romanus 9:20 ပူးပေါင်းရင်းမြစ်များ

2 Samuel 16:10

Rei punta: “Abos, fijus di Zeruia, ke ku bo ten la? Bo disal i koban mal. Si i SIÑOR ku falal pa i koba Davi mal, kin ku pudi punta pabia di ke ki na fasi asin?”

Jo 16:3

E palabras di bentu nunka e ka na kaba? Ke ku ta cuci bos pa bo papia de manera?

Jo 33:13

Ke ku manda bu na keŝa Deus kuma i ka ta da konta di nin un kusa ki na fasi?

Jo 36:23

Kin ku pudi kontal nunde ki na bai? O kin ku pudi falal: ‘Bu fasi mal’?

Jo 40:2

“Nta kil ku diskuti ku kil ku ten tudu puder i na nsinal? Kil ku misti diskuti asin ku Deus, pa i ruspundi e kusas.”

Jo 40:5

N papia un bias, N ka na ruspundi; dus bias ku N papia, ma N ka na papia mas.”

Jo 40:8

“Nta bu misti proba kuma N ka sedu justu? Bu na kondenan pa da bu kabesa roson?

Jo 9:32

“Deus i ka omi suma mi, ku N pudi ruspundi, pa no pudi nfrenta ŋutru na kau di justisa.

Isaias 10:15

Nta mancadu pudi yalsa si kabesa riba di kil ku na korta ku el? O sera pudi njata kontra kil ku na usal? I ta sedu suma po ku pudi bana kil ku na yalsal, o suma po forti ku pudi yalsa si dunu ku ka sedu po.

Isaias 29:16

Abos tudu bo ta rabida kusas kabesa pa bas! I suma kumpudur di puti i parsintidu ku lama, o suma puti fala aserka di si kumpudur: “I ka el ku kumpun.” O i suma moringu fala di kil ku kumpul: “I ka jiru.”

Isaias 64:8

Ma gosi, o SIÑOR, bu sedu no Pape; anos i lama, abo bu sedu suma kumpudur di puti; anos tudu i tarbaju di bu mon.

Jeremias 18:6

“Ami, SIÑOR, N na punta bos, pobu di Israel, si N ka pudi fasi ku bos suma ku e kumpudur di puti ta fasi ku lama. Suma lama na mon di kumpudur di puti, asin ku bo sedu na ña mon, pobu di Israel.

Daniel 4:35

Tudu moraduris di mundu ojadu suma nada si dianti. I ta fasi konformi ki misti ku puderis di seu, ku moraduris di tera. I ka ten kin ku pudi paral si mon, ku fadi pa puntal: “Ke ku bu na fasi?”

Mikeias 6:8

O omi, el i kontau ke ki bon. Kusa ku SIÑOR na pidiu i son pa bu fasi kil ki justu, pa bu mostra sempri bondadi, tambi pa bu yanda umildi ku bu Deus.

Mateus 20:15

Nta N ka ten diritu di fasi ke ku N misti ku kil ki di mi? Pabia di ke ku bu na oja mal na bon kusa ku N fasi?’

Lukas 12:14

Jesus falal: “Omi, kin ku pun pa N sedu juis o rapatidur na bo metadi?”

Romanus 14:4

Abo i kin ku na julga kriadu di utru? Pa si propi patron ki sta sikidu o ki kai. Ma i na firma, pabia Siñor ten puder pa firmantal.

Romanus 2:1

Abo, omi, kualker ku bu sedu, si bu na julga, bu ka ten diskulpa. Na kil ku bu na julga utru, bu na kondena bu kabesa, pabia bu na fasi suma el.

Romanus 2:3

Abo, omi ku na julga kilis ku ta fasi e kusas, bu kuda kuma, si bu na fasil, bu na kapli di justisa di Deus?

Romanus 9:21

O kumpudur di puti ka ten diritu pa toma un bokadu di lama pa i fasi un puti di mas balur, i fasi utru tambi ku menus balur?

Romanus 9:22

Ke ku no ten ku fala si Deus misti mostra si raiba, i misti tambi pa jinti kunsi si puder? El i sufri ku manga di pasensa kilis ku mersiba kastigu, ku na bai pa pirdison.

1 Koríntius 1:20

Nunde ku jinti jiru sta? Nunde ku ntindidu sta? Nunde ku jinti diskutidur de mundu sta? Nta Deus ka mostra kuma jiresa de mundu i tulesa?

1 Koríntius 7:16

Abo minjer krenti, kuma ku bu pudi sibi si bu na salba bu maridu? O abo maridu, kuma ku bu pudi sibi si bu na salba bu minjer?

1 Timótiu 6:5

ku diskutison ku ka ta kaba, di jinti ku se kabesa ka na tarbaja diritu; e ka ten ja bardadi. E ta kuda kuma riliẑion i fonti di ngañu.

2 Timótiu 2:20

Na kasa garandi i ka ta ten son losa di uru ku prata, ma tambi i ta ten di madera ku di lama. Utru i pa usa na bon lugar, utru na lugar mas bas.

Titu 2:9

Konsija katibus pa e obdisi se dunus na tudu, pa e pui elis kontenti. Ka e ba ta ruspundi mal;

Tiagu 2:20

Abo, omi ku ka ten sintidu, bu misti sibi kuma fe sta mortu si i ka liga ku tarbaju?