Romanus 9:19 - BIBLIA - traduson antigu in Krioulo

¹⁹ Bu pudi puntan: “Ke ku manda Deus na oja inda kulpa na omi? Kin ku pudi nega si vontadi?”

Romanus 9:19 ပူးပေါင်းရင်းမြစ်များ

Kumsada 50:20

Bo mistiba fasin mal, ma Deus bidanta ki mal pa ben, pa salba vida di manga di jinti, suma ku bu na oja ne dias.

2 Kronikas 20:6

i fala: “O SIÑOR, Deus di no papes, nta i ka abo ku sedu Deus na seu? I abo ku ta domina riba di tudu renus ku rasas. Forsa ku puder sta na bu mon; i ka ten kin ku pudi risisti kontra bo.

Jo 9:19

Si i forsa ku no na papia del, el ku ten forsa. Si i justisa, kin ku na comal pa tribunal?

Salmus 76:10

Bu pudi usa te raiba di omi pa pui jinti ngabau; raiba ku sobra, bu ta maral.

Isaias 29:16

Abos tudu bo ta rabida kusas kabesa pa bas! I suma kumpudur di puti i parsintidu ku lama, o suma puti fala aserka di si kumpudur: “I ka el ku kumpun.” O i suma moringu fala di kil ku kumpul: “I ka jiru.”

Daniel 4:35

Tudu moraduris di mundu ojadu suma nada si dianti. I ta fasi konformi ki misti ku puderis di seu, ku moraduris di tera. I ka ten kin ku pudi paral si mon, ku fadi pa puntal: “Ke ku bu na fasi?”

Markus 14:21

Na bardadi, Fiju di omi na muri, suma ku Skritura fala del, ma koitadi di ki omi ku na falsia Fiju di omi! I ta minjor pa ki algin si i ka padiduba.”

Atus 2:23

Deus sibiba ja ke ku na sedu. Konformi si planu, bo ntregadu Jesus. Bo tomal, bo krusifikal, bo matal pa mon di omis malvadu,

Romanus 11:19

Bu na fala: “Ramus kebradu pa N pudi njujadu na se lugar.”

1 Koríntius 15:12

Suma i es ku no na konta, kuma Kristu lantandadu di mortu, kuma ku utrus di bos ta fala kuma resureison di mortu ka ten?

1 Koríntius 15:35

Algin na punta: “Kuma ku mortus ta lanta? Kal koldadi kurpu ke na tene?”

Tiagu 1:13

Algin ku tentadu ka dibi di fala: “I Deus ku tentan,” pabia Deus ka pudi tentadu pa mal; el propi i ka ta tenta ningin,

Tiagu 2:18

Utru na fala: “Un algin pudi ten fe, utru i ta tarbaja.” Mbon, ki algin pa i mostra si fe sin fasi nada; ami N ta mostrau ña fe ku ña tarbaju.