Romanus 9:18 - BIBLIA - traduson antigu in Krioulo

¹⁸ Asin Deus ta ten pena di kil ki misti; si i misti i ta fasi algin korson duru.

Romanus 9:18 ပူးပေါင်းရင်းမြစ်များ

Saida 10:1

SIÑOR fala Moisés: “Bai pa Faraó pabia N ndurusi si korson ku korson di si ŝefis, pa N pudi fasi e milagris na se metadi,

Saida 10:20

Ma SIÑOR ndurusi korson di Faraó; kila ka disa fijus di Israel pa e bai.

Saida 10:27

Ma SIÑOR ndurusi korson di Faraó; i ka misti disa elis bai.

Saida 11:10

Moisés ku Aron e fasi tudu ki milagris dianti di Faraó, ma SIÑOR ndurusi korson di Faraó; i nega disa fijus di Israel pa e sai na si tera.

Saida 14:17

Ami N na ndurusi korson di ejipsius, pa e bin bo tras na mar. N na ngaña gloria pabia di Faraó ku tudu si tropas, si karus ku si omis di kabalu.

Saida 14:4

Ami N na ndurusi korson di Faraó pa i serka elis, ma N na ngaña gloria pa mi pabia di Faraó ku tudu si tropas. Ejipsius na sibi kuma ami i SIÑOR.” Asin israelitas fasi suma ki manda elis.

Saida 4:21

SIÑOR fala Moisés: “Ora ku bu riba pa Ejitu, pui sintidu pa fasi dianti di Faraó tudu ki milagris ku N dau puder pa bu fasi, ma N na pui si korson risu, pa i ka disa pobu pa e bai.

Saida 7:13

Ma korson di Faraó bida risu; i nega sukuta elis, suma ku SIÑOR falaba ja.

Saida 7:3

Ma N na pui korson di Faraó pa i risu. N na fasi manga di sinal ku milagri na tera di Ejitu,

Saida 9:12

ma SIÑOR fasi korson di Faraó risu; i ka seta obi Moisés ku Aron, suma ku SIÑOR falaba ja Moisés.

Saida 9:7

Faraó manda jinti pa e bai jubi; e oja kuma nin un son di limarias di israelitas ka muri, ma korson di Faraó torna risu; i ka disa pobu pa e bai.

Isaias 63:17

O SIÑOR, ke ku manda bu pui pa no disvia di bu kamiñus? Pabia di ke ku bu na ndurusi no korson pa no ka rispitau? Riba, pa amor di bu servus, jorsons di bu yardansa.

Bon Noba di Jesus Kristu ku Jon 12:40

“I sega elis uju; i tapa elis ntindimentu, pa e ka pudi oja ku uju, nin pa e ntindi na kabesa, nin pa e riba pa mi Deus, pa N kura elis.”

Romanus 11:25

Ermons, N misti pa bo sibi e sigridu, pa bo ka yalsa ombra, kuma ndurusimentu bin riba di Israel pa un tempu markadu, tok numeru di jintius ku na yentra kompleta.

Efésius 1:6

No ngaba Deus pa si oferta gloriosu ki danu di grasa na si Fiju amadu.

Ripitison di Lei 2:30

Sion, rei di Esbon, i nega disanu pasa na si tera, pabia SIÑOR bu Deus pui si spiritu bida duru, i dal korson ntemus, pa i pudi ntregal na bu mon, suma ku bu oja aos.

Josué 11:20

pabia SIÑOR pui se korson duru, pa e bai geria kontra Israel, pa e pudi kabadu ku elis tudu, sin sinti pena delis, pa Israel mata tudu suma ku SIÑOR mandaba Moisés.