Romanus 8:39 - BIBLIA - traduson antigu in Krioulo

³⁹ nin altura, nin fundura, nin utru kriatura, ka na pudi rapatinu di amor di Deus ku sta na Kristu Jesus no Siñor.

Romanus 8:39 ပူးပေါင်းရင်းမြစ်များ

Salmus 64:6

E ta fasi planus di maldadi, e fala: “No ranja planu pa un krimi pirfitu!” Pensamentu ku korson di omi, ningin ka pudi ntindil te na fundu.

Ditus 20:5

Pensamentu di omi i suma yagu na fonti fundu, ma omi ntindidu i pudi tiral fora.

Kantiga di Salomon 3:4

N afasta son un bokadu delis, N oja kil ku N ama di korson. N pegal, N ka misti largal, tok N yentrandal na kasa di ña mame, na kuartu di kil ku padin.

Isaias 10:33

SIÑOR Deus ku ten tudu puder na korta ramus ku forsa; kilis mas altu na kortadu; ki orgulyosus e na batidu.

Isaias 24:21

Dia na ciga ku SIÑOR na kastiga puderis la riba na seu, ku reis di tera li bas.

Daniel 4:11

I kirsi, i bida mas forti, tok si altura ciga na seu. Jinti na tudu parti di mundu pudiba ojal.

Mateus 24:24

pabia i na lanta finjiduris ku na fala kuma elis i Kristu o elis i anunsiaduris. E na fasi manga di sinal ku milagri, pa ngana, si e pudi, te mesmu kilis ku Deus kujiba ja.

Bon Noba di Jesus Kristu ku Jon 16:27

Ña Pape ama bos pabia abos bo aman, bo fia kuma N bin di Deus.

Bon Noba di Jesus Kristu ku Jon 17:26

Ami N pui elis kunsiu; N na fasi elis kunsiu mas, pa bu amor ku bu aman ku el sta nelis, ami tambi pa N sta nelis.”

Bon Noba di Jesus Kristu ku Jon 3:16

Deus ama jinti di mundu dimas, tok i da si uniku Fiju, pa tudu kil ku setal ka ta pirdi, ma i ta tene vida ku ka ta kaba.

Romanus 1:7

N skirbi pa bos tudu ku sta na Roma, ku Deus ama, i coma si pobu. N misti pa Deus no Pape, ku Siñor Jesus Kristu, da bos fabur ku pas.

Romanus 11:33

O fundura di rikesa di jiresa di Deus, ku si kuñisimentu! Kin ku pudi splika kusas ki disidi? Kin ku pudi ntindi si planu?

Romanus 5:8

ma Deus danu proba di si amor pa nos, manera ku Kristu muri pa nos ocanu inda na no pekadu.

Romanus 6:23

Pagamentu di pekadu i mortu, ma kil ku Deus ta danu di grasa i vida ku ka ta kaba, pabia di Kristu Jesus no Siñor.

Romanus 8:1

I ka ten kondenason pa kilis ku liga ja ku Kristu Jesus, [ku ka ta yanda konformi vontadi di se kurpu, ma konformi Spiritu,]

Romanus 8:35

Kin ku na rapatinu di amor di Kristu? Kansera? o kasabi? o pirsigison? o fomi? o falta di ropa? o pirigu? o spada?

2 Koríntius 11:3

N ten medu pa ka bo pensamentu dana, pa bo bandona ki amor puru ku bo ten pa Kristu, suma ku serpenti ku si astusia ngana Eva,

2 Koríntius 2:11

pabia no sibi kal ki si planu mau.

Efésius 1:4

Mesmu antis di mundu kumpudu, Deus kujinuba ja na Jesus pa no sedu si pobu, sin kulpa si dianti, incidu di amor.

Filipensis 3:12

N ka na fala kuma N yangasa ja, o N sedu ja pirfitu, ma N na fasi forsa pa N bai dianti, pa N pudi toma ki kusa ku Kristu Jesus toman pa el.

Filipensis 3:3

I anos ku risibi sirkunsison di bardadi, pabia no ta adora Deus na Spiritu. No njatamentu i na Kristu Jesus; no ka fiansa na kusas di kurpu.

Filipensis 3:8

I ka son es, ma N tene tudu utru kusas suma perda kompletu pa amor di kil ku ten muitu mas balur, ku sedu kuñisimentu di Kristu Jesus ña Siñor. Pabia del ku N bota tudu e kusa, N fasi di konta kuma i muntudu, pa N pudi ngaña Kristu,

2 Tesalonisensis 2:4

I na sedu inimigu ku na lanta kontra tudu ku comadu deus, ku tudu kusa ku ta adoradu, tok i na yentra, i sinta na templu di Deus, pa i mostra kuma el i Deus.

1 Jon 4:16

No sibi kuma Deus amanu; tambi no fia na si amor. Deus i amor. Kil ku sta na amor i sta na Deus; Deus sta nel.

1 Jon 4:19

No ama pabia i amanu purmeru.

Apokalipsi 12:9

Ki garandi dragon fercadu, ku sedu antigu serpenti ku comadu diabu ku Satanas, ku ta ngana tudu mundu. I fercadu na tera, tudu ku si anjus.

Apokalipsi 13:14

Pabia di milagris ki disadu fasi dianti di besta, i ta ngana jinti ku sta na tera. I fala elis pa e fasi un imaẑen di besta ku molostadu ku spada, ma i bibu.

Apokalipsi 19:20

Besta prindidu, ku ki falsu anunsiadur ku na fasiba milagri si dianti, ku ta nganaba kilis ku risibi sinal di besta, kilis ku adoraba si imaẑen. Elis dus e botadu bibu na lagua di fugu ku na yardi ku nŝofri.

Apokalipsi 2:24

“‘N na fala pa bos utrus ku sta na Tiatira ku ka seta e nsinamentu, nin bo ka kunsi ke ku comadu fundura di Satanas: N ka na pui bos utru kargu.

Apokalipsi 20:3

I botal na abismu nunde ki fical, i pui selu, pa ka i ngana nasons mas tok i kompleta ki mil anu. Dipus di kila, i ten ku largadu un bokadu di tempu.

Apokalipsi 20:7

Ora ku mil anu pasa, Satanas na largadu di kalabus.