Romanus 8:35 - BIBLIA - traduson antigu in Krioulo

³⁵ Kin ku na rapatinu di amor di Kristu? Kansera? o kasabi? o pirsigison? o fomi? o falta di ropa? o pirigu? o spada?

Romanus 8:35 ပူးပေါင်းရင်းမြစ်များ

Salmus 103:17

Antis di kumsada te dipus di kabantada, bondadi di SIÑOR sta riba di kilis ku rispital; si retidon sta riba delis ku se fijus ku netus,

Kantiga di Salomon 3:4

N afasta son un bokadu delis, N oja kil ku N ama di korson. N pegal, N ka misti largal, tok N yentrandal na kasa di ña mame, na kuartu di kil ku padin.

Jeremias 31:3

I tarda ja ku SIÑOR bin pa mi, i fala: “N amau ku amor ku ka ta kaba; ku bondadi ku amor N jundau pa mi.

Bon Noba di Jesus Kristu ku Jon 10:28

N ta da elis vida ku ka ta kaba; nunka e ka na pirdi. Ningin ka na rabata elis na ña mon.

Bon Noba di Jesus Kristu ku Jon 13:1

Antis di festival di Paskua, Jesus sibiba ja kuma ora ciga pa i disa e mundu pa i bai pa si Pape. Suma ki ama kilis ki di sil ku staba ne mundu, i ama elis te na fin.

Bon Noba di Jesus Kristu ku Jon 16:33

N konta bos e kusas pa bo ten pas na mi. Na mundu bo na tene foronta, ma bo ten koraẑen; ami N ngaña mundu.”

Atus 14:22

e fortifika krentis, e konsija elis pa e kontinua firmi na fe; e fala elis kuma, pa no yentra na renu di Deus, i pirsis pasa manga di sufrimentu.

Romanus 2:9

Sufrimentu ku dur na bin riba di tudu jinti ku na fasi mal, purmeru pa judeus, tambi ku jintius,

Romanus 8:17

Suma no sedu fijus, no na yarda rikesa di Deus. No na risibil juntu ku Kristu, si kontra no na sufri ku el pa no pudi tambi ten parti na si gloria.

Romanus 8:37

Ma na tudu e kusas, no na sedu mas di ki vensiduris pabia di kil ku amanu,

Romanus 8:39

nin altura, nin fundura, nin utru kriatura, ka na pudi rapatinu di amor di Deus ku sta na Kristu Jesus no Siñor.

1 Koríntius 4:11

Te gosi no na sufri fomi ku sedi. No bisti rataju, no bofotiadu, no ka tene kau sertu di mora.

1 Koríntius 4:12

No ta tarbaja ku no mon, no ta kansa. Ora ke falanu mal, no ta fala ben delis; ora ku no pirsigidu, no ta sufri;

2 Koríntius 12:10

N ta sinti alegria na ña frakesa, na njuria, na falta, na pirsigison, na kasabi, tudu pa amor di Kristu. Ora ku N sta fraku, la ku N ta sedu mas forti.

2 Koríntius 4:17

No sufrimentu pikininu ka ta tarda, ma i ta tisinu un garandi gloria ku ka ta kaba, ku na pesa mas di ki sufrimentu ku no ta pasa.

2 Koríntius 4:8

Fadiga ta bin di tudu ladu, ma no ka ta fika kebradu; no ta ten duvida, ma no ka ta disispera;

2 Koríntius 4:9

no ta pirsigidu, ma no ka ta bandonadu; no ta batidu, ma no ka ta disadu muri.

Efésius 3:19

N misti pa bo kunsi si amor, kontudu i mas no ntindimentu, pa bo inci kun ku tudu ku Deus sedu.

2 Tesalonisensis 2:16

N ora no Siñor Jesus Kristu propi, ku Deus no Pape ku amanu, ku, na si fabur, danu koraẑen ku ka ta kaba, ku garandi speransa.

2 Timótiu 1:12

E ku manda N na sufri e kusas, ma N ka na burguñu del, pabia N sibi na kin ku N fia nel; N sta sertu kuma i ten puder pa guarda kil ku N ntregal te na ki dia.

Apokalipsi 1:5

ku Jesus Kristu ku sedu fiel tustumuña, purmeru ku lanta di mortu, ku sta riba di reis di tera. I el ku amanu, ku si sangi i libertanu di no pekadu,