Romanus 8:34 - BIBLIA - traduson antigu in Krioulo

³⁴ Kin ku na kondena elis? Kristu Jesus, el ku muri, o minjor, el ku lantandadu na metadi di mortus, el ku sta na mon direita di Deus; tambi i na roga pa nos.

Romanus 8:34 ပူးပေါင်းရင်းမြစ်များ

Jo 33:24

i na ten pena del, i na fala: ‘Libral pa ka i ria na koba; N oja un libertadur.’

Jo 34:29

Si i kala, kin ku na kondenal? Si i kubri rostu, kin ku na ojal? Ma el i ten puder riba di un nason, tambi riba di un omi son,

Salmus 109:31

pabia i ta firma na direita di koitadi, pa libral na mon di kilis ku na kondenal pa mortu.

Salmus 37:33

ma SIÑOR ka na disal na si puder, nin i ka na seta pa i kondenadu ora ki julgadu.

Isaias 50:8

Kil ku na justifikan sta pertu; kin ku na akusan? No bai juntu pa tribunal! Kin ku sta kontra mi pa i pertu mi!

Isaias 53:12

E ku manda N na dal kiñon na metadi di garandis; i na rapati ku jinti di forsa kusas ku tomadu na mon di inimigu, pabia i darma si vida na mortu, i kontadu na grupu di jinti ku kebra lei. I karga pekadu di manga di jinti, i ora pa kilis ku kebra lei.

Jeremias 50:20

Ami, SIÑOR, N fala kuma, ora ku ki tempu ciga, maldadi di Israel na buskadu, i ka na ojadu. Pekadus di Judá tambi ka na ojadu, pabia N na purda ki restu ku N disa ku vida.

Mateus 20:28

suma Fiju di omi, ku ka bin pa i sirbidu, ma pa sirbi, i pa da si vida pa libra manga di jinti.”

Markus 16:19

Dipus di Siñor Jesus papia ku elis, i lebadu pa seu, i sinta na mon direita di Deus.

Bon Noba di Jesus Kristu ku Jon 14:19

Mas un bokadu, jinti di mundu ka na ojan, ma abos bo na ojan. Suma ami N sta bibu, abos tambi bo na bibu.

Bon Noba di Jesus Kristu ku Jon 16:23

Na ki dia nada bo ka na puntan. Na bardadi, N na fala bos kuma, tudu kusas ku bo pidi ña Pape na ña nomi, el i na da bos.

Atus 2:24

ma Deus lantandal, i libertal di agunia di mortu, pabia mortu ka pudiba tenel prezu.

Romanus 14:13

Ka no julga mas ŋutru. I minjor bo pui sintidu pa ka pui kusa ku na mbaransa bo ermon, pa pul pa i kai na pekadu.

Romanus 14:9

I pabia des ku Kristu muri, i torna bibu, pa i sedu Siñor di mortus ku bibus.

Romanus 4:25

I ntregadu pa i pudi muri pabia di no pekadu; i lantandadu pa no pudi sedu justu.

Romanus 8:1

I ka ten kondenason pa kilis ku liga ja ku Kristu Jesus, [ku ka ta yanda konformi vontadi di se kurpu, ma konformi Spiritu,]

Romanus 8:27

Kil ku ta rabista korson i sibi kal ki pensamentu di Spiritu. I el, Spiritu, ku ta pidi pa krentis konformi vontadi di Deus.

Kolosensis 3:1

Bo lantandadu pa vida juntu ku Kristu. Asin bo pui sintidu na kusas ku sta na seu, nunde ku Kristu sinta na direita di Deus.

Ebreus 1:3

I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 7:25

E ku manda tambi i pudi da salbason kompletu pa kilis ku bin pa Deus na si nomi, suma ki na bibu pa sempri pa i roga Deus pa elis.

Ebreus 9:24

pabia Kristu ka yentra na ki lugar sagradu ku omi kumpu, ku sedu figura di kil ki di bardadi, ma i yentra na seu propi, pa parsi dianti di Deus pa nos.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.

1 Pedru 3:22

i riba pa seu, i sta na mon direita di Deus, nunde ku tudu anju ku otridadi ku puder di seu sta bas del.

Apokalipsi 1:18

Ami i kil ku bibu; N muriba ma alin li bibu pa tudu sempri. N tene cabi di mortu ku lugar di mortus.