Romanus 8:31 - BIBLIA - traduson antigu in Krioulo

³¹ Dianti de kusas, ke ku no na fala gora? Si Deus i pa nos, kin ku na sta kontra nos?

Romanus 8:31 ပူးပေါင်းရင်းမြစ်များ

Kumsada 15:1

Dipus de kusas tudu pasa, SIÑOR bin papia ku Abron na vison, i falal: “Abron, ka bu ten medu. Ami i bu tajadera; N sedu bu garandi premiu.”

1 Reis 8:57

SIÑOR no Deus pa i sta ku nos, suma ki staba ku no papes; pa ka i bandonanu, nin pa ka disanu.

2 Reis 6:16

Eliseu falal: “Ka bu medi, pabia kilis ku sta ku nos e mas ciu di ki kilis ku sta ku elis.”

1 Kronikas 19:15

Amonitas oja kuma sirus na kuri; elis tambi e kuri dianti di Abisai, ermon di Joab, e bai yentra na prasa. Joab riba pa Jerusalen.

1 Kronikas 5:22

Manga di jinti matadu, pabia ki gera i seduba di Deus. E bai mora na se tera te na dia ke lebadu katibu.

Salmus 118:6

SIÑOR sta ku mi; N ka na medi. Ke ku omi pudi fasin?

Salmus 46:11

SIÑOR ku ten tudu puder sta ku nos; Deus di Jakó i no kau di suguransa. Sela

Salmus 46:7

SIÑOR ku ten tudu puder sta ku nos; Deus di Jakó i no kau di suguransa. Sela

Salmus 56:11

I na ki Deus ku N pui ña fiansa; N ka na medi ke ku omi pudi fasin.

Salmus 56:4

N fiansa na Deus, N ka na medi; N na garandisi si palabra. Algin ku ta muri, ke ki pudi fasin?

Salmus 56:9

Ora ku N comau, ña inimigus na riba tras, pabia N sibi kuma Deus sta na ña ladu —

Isaias 41:10

Ka bu medi, pabia N sta ku bo; ka bu panta; ami i bu Deus, N na dau forsa, N na judau, N na nguentau ku mon direita ku ta fasi kusas diritu.

Isaias 54:17

Tudu material di gera ku purparadu kontra bo ka na fasiu nada. Tudu algin ku keŝa di bo na otridadi, bu na ngañal. Es i yardansa di servus di SIÑOR; i ami ku na justifika elis.” Asin ku SIÑOR fala.

Isaias 8:10

Bo pudi fasi bo planus, ma e na ntrumpidu; bo pudi papia ke ku bo pensa, ma i ka na fasidu, pabia Deus sta ku nos.

Jeremias 1:19

E na geria kontra bo, ma e ka na ngañau, pabia N na sta ku bo pa librau.” Asin ku SIÑOR fala.

Jeremias 20:11

Ma SIÑOR sta ku mi suma forti gereru; asin ña pirsigiduris tudu na kai, e ka na ngaña. E na fika ku borgoña; kusas ka na kuri elis diritu; e na sta sempri na kunfuson; ku ka na diskisidu.

Jeremias 42:11

Ka bo medi rei di Babilonia ku bo na sinti medu del; ami, SIÑOR, N fala: Ka bo ten medu del, pabia N sta ku bos pa salba bos, pa libra bos na si mon.

Numerus 14:9

Ka bo sedu rebeldi kontra SIÑOR; ka bo medi jinti di ki tera, pabia e na sedu suma kumida pa nos. E pirdi ja se proteson; SIÑOR sta ku nos; ka bo ten medu delis.”

Mateus 1:23

“Un bajuda na bin preña, i na padi un fiju macu ku na comadu Emanuel,” ku sedu: “Deus sta ku nos.”

Romanus 3:5

Si manera ku no ta fasi mal i ta mas pui bondadi di Deus raparadu, ke ku no pudi fala? O Deus i injustu nan, ora ki na kastiganu ku raiba? (N na fala suma omi.)

Romanus 4:1

Ke ku no pudi fala kuma Abraon, no pape antigu, yangasa?

Ripitison di Lei 33:29

O Israel, abo i sortiadu! Kin ku sedu suma bo, un pobu ku SIÑOR salba? El i bu tajadera ku ta sakurau, tambi i bu spada gloriosu. Pa kila bu inimigus na fika bas di bo; bu na masa elis.”

Josué 10:42

Josué toma tudu ki reis ku se teras na un kampaña son, pabia SIÑOR Deus di Israel na geriaba pa Israel.

1 Jon 4:4

Ña fijus, abos bo sedu di Deus, bo vensi ki anunsiaduris, pabia kin ku sta na bos i mas ki algin ku sta na jinti di mundu.

1 Samuel 14:6

Jonatas fala rapas ku ta lebal material di gera: “Bin no kamba pa kampamentu di ki jinti insirkunsidadu; talves SIÑOR na judanu, pabia nada ka pudi tujil si i misti libra, nin ki ku manga di jinti o ku puku.”