Romanus 8:27 - BIBLIA - traduson antigu in Krioulo

²⁷ Kil ku ta rabista korson i sibi kal ki pensamentu di Spiritu. I el, Spiritu, ku ta pidi pa krentis konformi vontadi di Deus.

Romanus 8:27 ပူးပေါင်းရင်းမြစ်များ

1 Kronikas 28:9

“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.

1 Kronikas 29:17

Ña Deus, N sibi sertu kuma bu ta proba korson di jinti, bu ta kontenti si bu oja bardadi nel. Ami tambi, N dau tudu e kusas ku sinseridadi di ña korson, ku tudu ña vontadi. Gosi N sta kontenti pa oja manera ku bu pobu ku sta li e dau ku tudu vontadi.

Salmus 139:1

SIÑOR, bu jubin diritu, bu kunsin.

Salmus 38:9

SIÑOR, tudu ña diseẑu sta bu dianti; ña jimi ka sta sukundidu di bo.

Salmus 44:21

sertamenti Deus na sibilba, suma i kunsi sigridus di korson.

Salmus 7:9

Kaba ku maldadi di jinti mau, bu firmanta jinti justu, pabia abo, Deus justu, bu ta spurmenta pensamentus ku korson.

Ditus 17:3

Prata ku uru ta probadu ku fugu, ma SIÑOR ta proba korsons.

Jeremias 11:20

O SIÑOR ku ten tudu puder, ku sedu Juis justu, ku ta proba pensamentu ku korson, N misti oja bu vingansa riba delis; N ntrega ña kasu na bu mon.

Jeremias 17:10

“Ami, SIÑOR, N ta rabista korson, N ta spurmenta pensamentus; N ta paga kada algin konformi si manera di yanda, ku kusas ki fasi.”

Jeremias 20:12

O SIÑOR ku ten tudu puder, abo ku ta proba kilis ku sedu bon, bu ta jubi pensamentu di korson; disan pa N jubi bu vingansa kontra elis, pabia N ntregau ña kasu.

Mateus 6:8

Ka bo parsi ku elis, pabia bo Pape sibi tudu ke ku bo pirsisa del antis di bo pidil.

Lukas 16:15

Jesus fala elis: “Abos i kilis ku ta misti mostra sedu bon dianti di jinti, ma Deus i kunsi bo korson, pabia kil ku omi ta garandisi, pa Deus i nujenti.

Bon Noba di Jesus Kristu ku Jon 14:13

Tudu kusa ku bo pidi na ña nomi, N ta fasil, pa ña Pape pudi glorifikadu na si Fiju.

Bon Noba di Jesus Kristu ku Jon 21:17

Jesus puntal terseru bias: “Simon, fiju di Jon, bu aman?” Simon fika tristi manera ku Jesus puntal tris bias si i amal. I ruspundil: “Siñor, bu sibi tudu; bu sibi kuma N amau.” Jesus falal: “Bakia ña karnel.

Atus 1:24

Dipus e ora, e fala: “Siñor, i abo ku kunsi korson di tudu jinti; mostra kal de dus ku bu kuji

Atus 15:8

Deus, ku kunsi korson di jinti, i mostra si kontentamentu ku elis, i da elis Spiritu Santu suma ki danu tambi.

Romanus 8:34

Kin ku na kondena elis? Kristu Jesus, el ku muri, o minjor, el ku lantandadu na metadi di mortus, el ku sta na mon direita di Deus; tambi i na roga pa nos.

Romanus 8:6

Si pensamentu bai pa kusas di naturesa, i ta tisi mortu, ma si i bai pa kusas di Spiritu, i ta tisi vida ku diskansu.

Efésius 2:18

I pabia di Kristu ku anos dus rasa no pudi yentra na pursensa di no Pape ku ajuda di ki mesmu Spiritu.

1 Tesalonisensis 2:4

ma suma ku Deus ojanu dignu, i fiansa na nos, i ntreganu Bon Noba, asin ku no na fala. I ka pa pui omi kontenti, ma no misti kontenta Deus ku ta proba no korson.

Ebreus 4:13

I ka ten nada ku Deus kumpu ku pudi sukundi del, ma tudu kusa sta nun i klaru na uju di kil ku no ten ku da konta si dianti.

Tiagu 5:16

Asin bo ta konfesa ŋutru bo pekadu, bo ora pa ŋutru, pa bo kuradu. Orason ku un algin justu fasi i ten puder; i ta da bon rusultadu.

Apokalipsi 2:23

N na mata si fijus. Tudu igreẑas na bin sibi kuma ami i kil ku ta rabista korson ku pensamentu di jinti; N na da kada un di bos konformi kil ki fasi.