Romanus 8:20 - BIBLIA - traduson antigu in Krioulo

²⁰ pabia kusas ku Deus kumpu pirdi tudu se balur, e ka sedu nada. I ka pa se vontadi, ma i vontadi di kil ku baŝa elis,

Romanus 8:20 ပူးပေါင်းရင်းမြစ်များ

Kumsada 5:29

i comal nomi di Noe, i fala: “Es na diskansanu di tarbaju pisadu ku no ta fasi ku no mon, ku kansera ku bin pabia SIÑOR maldisua con.”

Kumsada 6:13

Deus fala Noe: “Ami N na kaba ku tudu jinti, pabia tera inci abusu ku maldadi. N na kaba ku elis tudu ku tera.

Salmus 39:5

N sibi kuma bu fasi ña dias suma kumprimentu di palmu di mon; tempu di ña vida i suma nada bu dianti. Na bardadi, tudu omi, pa mas firmi ki sedu, i son bentu. Sela

Eklesiastis 1:2

“Bakatela! Bakatela!” Asin ku filósofu fala. “Tudu i bakatela, i ka ten balur.”

Jeremias 12:11

e danal tudu; bandonadu, i na coman. Tudu con danadu pabia i ka ten ningin ku mporta ku es.

Jeremias 12:4

Te kal tempu ku con na fika tristi, paja na seku na tudu lugar? Pabia di maldadi di kilis ku mora nel, limarias ku kacus e na muri. Jinti na fala: “Deus ka na oja ke ku na sedu ku nos.”

Oseias 4:3

E ku manda tera na seku; jinti ku mora nel na magru; elis tudu ku limarias di matu, ku kacus ku ta bua, te ku pis di mar, e na muri.

Joel 1:18

Sinti kuma ku limarias na cora! Bakas tudu na yanda na kunfuson pabia paja ka ten. Koralis di karnel tambi na sufri.

Romanus 8:22

No sibi kuma, te gosi, tudu ku Deus kumpu, i junta, i na jimi ku dur suma dur di partu.

Romanus 8:24

No sta salbu pabia di speransa. Si no oja kil ku no na pera, i ka speransa ja, pabia kusa ku algin na oja, kuma ki na peral?