Romanus 8:2 - BIBLIA - traduson antigu in Krioulo

² pabia puder di Spiritu ku ta tisi vida juntu ku Kristu Jesus libran di puder di pekadu ku di mortu.

Romanus 8:2 ပူးပေါင်းရင်းမြစ်များ

Salmus 51:12

Tornan alegria di bu salbason; Dan un spiritu pruntu ku na nguentan.

Ezekiel 1:21

Ora ku kriaturas bibu na yanda, rodas tambi na yanda; ora ke para, rodas tambi ta para. Si e lanta na con, rodas tambi ta lanta juntu ku elis, pabia spiritu di kriaturas bibu staba na rodas.

Bon Noba di Jesus Kristu ku Jon 4:10

Jesus falal: “Si bu sibiba ke ku Deus tene pa da, o bu sibi tambi kin ku na pidiu yagu, bu ta pidilba, el i ta dau yagu ku ta da vida.”

Bon Noba di Jesus Kristu ku Jon 4:14

ma kin ku bibi yagu ku ami N na dal i ka ta torna tene sedi mas, pabia yagu ku N na dal i ta fasi nel fonti di yagu bibu ku ta darma pa vida ku ka ta kaba.”

Bon Noba di Jesus Kristu ku Jon 6:63

I Spiritu di Deus ku ta da vida; omi na si forsa ka ta bali nada. E palabra ku N fala bos i Spiritu, i vida,

Bon Noba di Jesus Kristu ku Jon 8:32

Bo ta kunsi bardadi; bardadi ta liberta bos.”

Bon Noba di Jesus Kristu ku Jon 8:36

Si Fiju liberta bos, di bardadi bo ta fika libri.

Romanus 16:3

Bo fala Prisila ku Ákila manteña, ña kumpañeris na tarbaju di Kristu Jesus.

Romanus 3:27

Nunde ku njata sta nel gora? I ka ten! Pa kal roson? Pabia di kumpri lei? Nau, ma i pabia di fe.

Romanus 5:21

pa e fabur pudi rena na justisa pa tisi vida ku ka ta kaba, pabia di no Siñor Jesus Kristu, na mesmu manera ku pekadu rena na mortu.

Romanus 6:14

Pekadu ka na ten forsa riba di bos, suma bo ka sta bas di lei, ma bo sta bas di fabur di Deus.

Romanus 6:18

Bo libradu di pekadu; bo fasidu katibu pa fasi ben.

Romanus 6:22

Ma gosi, bo sta libri di pekadu, bo fasidu katibus di Deus. Frutu ku bo tene gosi na leba bos pa puresa, dipus pa vida ku ka ta kaba.

Romanus 7:21

N rapara e manera ku, nin ku N misti fasi ben, mal sta na mi.

Romanus 7:23

ma N oja na ña kurpu utru koldadi lei ku na geria kontra lei ku N seta; i na leban pa katiberasku di lei di pekadu ku sta na ña kurpu.

Romanus 7:4

Asin tambi, ña ermons, bo sta mortu pa lei, manera ku bo sedu kurpu di Kristu, pa bo pudi sedu di utru, ku sedu kil ku lantandadu na metadi di mortus, pa no pudi da frutu pa Deus.

Romanus 8:1

I ka ten kondenason pa kilis ku liga ja ku Kristu Jesus, [ku ka ta yanda konformi vontadi di se kurpu, ma konformi Spiritu,]

1 Koríntius 15:45

I sta skritu na palabra di Deus kuma purmeru omi, ku sedu Adon, i dadu vida. Sugundu Adon i Spiritu ku ta da vida.

2 Koríntius 3:17

Agora, Siñor ku e palabra fala del, i Spiritu. Nunde ku Spiritu di Siñor sta, liberdadi sta la.

2 Koríntius 3:6

I el ku fasinu kapas di konta jinti aserka di nobu kontratu, ku ka sedu lei skritu, ma di Spiritu. Lei ku skirbidu i ta mata, ma Spiritu ta da vida.

Gálatas 2:19

Na ladu di lei N sta mortu; i lei propi ku matan, pa N pudi vivi pa Deus.

Gálatas 5:1

Kristu libertanu pa no sedu libri. Bo fika firmi. Ka bo seta torna maradu mas na korenti di katiberasku.

Gálatas 6:2

Bo juda ŋutru ku kargu; asin bo ta fasi kil ku lei di Kristu fala.

Tiagu 1:25

ma kil ku jubi diritu pa lei pirfitu ku ta liberta, i pega nel, i ka sedu son obidur ku ta diskisi, ma fasidur di kil ku palabra fala, si dunu ta sedu sortiadu na kil ki ta fasi.

Apokalipsi 11:11

Dipus di ki tris dia i meiu, Deus supra si folgu di vida dentru delis. E lanta, e sikidu riba di se pe. Garandi medu kai riba di kilis ku mati.

Apokalipsi 22:1

Anju mostran riu di yagu ku ta da vida, klaru suma vidru finu, ku ta saiba na tronu di Deus ku di Karnel,