Romanus 8:13 - BIBLIA - traduson antigu in Krioulo

¹³ Si bo yanda suma ku bo kurpu misti, bo na muri, ma si, na puder di Spiritu, bo mata kustumus di bo kurpu, bo ta vivi.

Romanus 8:13 ပူးပေါင်းရင်းမြစ်များ

Jo 20:13

i ka pudi largal, ma i guardal na si boka.

Romanus 6:21

Kal rusultadu ku bo tenba di ki kusas ku gosi bo ta burguñu ku el? Fin di ki kusas i mortu.

Romanus 6:23

Pagamentu di pekadu i mortu, ma kil ku Deus ta danu di grasa i vida ku ka ta kaba, pabia di Kristu Jesus no Siñor.

Romanus 7:5

Oca ku no na yanda suma ku naturesa di no kurpu misti, no vontadi forti pa peka, ku lei lantanda dentru di nos, i na tarbajaba na membrus di no kurpu pa tisinu mortu,

Romanus 8:12

Asin ermons, no ten obrigason, ma i ka ku no naturesa, pa no yanda suma ku no kurpu misti.

1 Koríntius 9:27

N ta kastiga ña kurpu, N ta pul bas di ña ordi pa, dipus di N konta utru jinti palabra di Deus, ami propi pa ka N bin fika raprobadu.

Gálatas 5:24

Kilis ku sedu di Kristu Jesus e krusifika se naturesa umanu, ku tudu diseẑu mau ku na yardi dentru di ki naturesa.

Gálatas 6:8

Kil ku sumia na si naturesa umanu i na bin kebra mortu la, ma kil ku sumia na Spiritu, i na kebra vida ku ka ta kaba ku Spiritu padi pa el.

Efésius 4:22

kuma bo dibi di disa ki manera antigu di vivi, bo pui di ladu ki naturesa antigu ku na bai bas pa mortu pabia di si mau diseẑu nganadur.

Efésius 4:30

Ka bo pui Spiritu Santu di Deus pa i sta tristi, pabia Spiritu i un marka ku bo markadu ku el pa dia di libertason.

Efésius 5:18

Ka bo cami biñu ku ta dana vida, ma bo inci ku Spiritu Santu.

Titu 2:12

pa nsinanu nega vida mau ku tudu diseẑu di mundu, pa no sibi guberna no kabesa ne mundu di gosi, no sedu retu, no yanda suma ku Deus misti,

1 Pedru 1:22

Suma ku bo obdisi bardadi, bo limpa bo alma tok bo sinti amor di bardadi pa bo ermons, bo ten ku ama ŋutru ku tudu bo korson.

1 Pedru 2:11

Ña kiridus, suma ku bo sedu ospris stranjeru, N pidi bos pa bo libra di mau diseẑu di kurpu, ku ta geria kontra alma.