Romanus 8:1 - BIBLIA - traduson antigu in Krioulo

¹ I ka ten kondenason pa kilis ku liga ja ku Kristu Jesus, [ku ka ta yanda konformi vontadi di se kurpu, ma konformi Spiritu,]

Romanus 8:1 ပူးပေါင်းရင်းမြစ်များ

Isaias 54:17

Tudu material di gera ku purparadu kontra bo ka na fasiu nada. Tudu algin ku keŝa di bo na otridadi, bu na ngañal. Es i yardansa di servus di SIÑOR; i ami ku na justifika elis.” Asin ku SIÑOR fala.

Ezekiel 18:9

E tipu di omi justu ku na yanda konformi ña regras, ku na obdisi ña leis na bardadi, i na bibu. Asin ku SIÑOR Deus fala.

Bon Noba di Jesus Kristu ku Jon 14:20

Na ki dia bo na sibi kuma ami N sta na ña Pape, abos na mi, ami na bos.

Bon Noba di Jesus Kristu ku Jon 15:4

Bo sta na mi, ami N ta sta na bos. Suma ku ramu, el propi, ka ta pudi padi si i ka sta na si pe, asin tambi abos, si bo ka sta na mi.

Bon Noba di Jesus Kristu ku Jon 5:24

“N na konta bos bardadi, kin ku obi ña palabra, i seta kil ku mandan, i ta tene vida ku ka ta kaba. I ka na kondenadu, ma i pasa ja di mortu pa vida.

Romanus 16:3

Bo fala Prisila ku Ákila manteña, ña kumpañeris na tarbaju di Kristu Jesus.

Romanus 16:7

Manteña pa Andrónika ku Júnia, ña parentis ku seta Kristu antis di mi, ña kumpañeris di kalabus, kunsidu ben na metadi di apostolus.

Romanus 5:1

Manera ku no ojadu justu pa fe, no ten pas ku Deus pabia di no Siñor Jesus Kristu

Romanus 5:16

Pursenti i ka juntu ku pekadu ku ki un omi fasi. Julgamentu binba, na bardadi, pabia di ki un pekadu; i tisi kondenason, ma, dipus di manga di pekadu fasidu, pursenti di Deus binba pa fasi jinti justu.

Romanus 7:17

Asin i ka ami ku na fasil, ma i pekadu ku sta dentru di mi ku na pun pa N fasil.

Romanus 7:20

Agora si N fasi kil ku N ka misti, i ka ami ja ku na fasil, ma pekadu ku sta na mi.

Romanus 8:11

Si Spiritu di kil ku lantanda Jesus di mortu sta na bos, ki algin ku lantanda Kristu di mortu tambi i na pui vida na bo kurpu mortal, pabia di si Spiritu ku sta na bos.

Romanus 8:14

Tudu kilis ku Spiritu di Deus na gia, elis i fijus di Deus.

Romanus 8:2

pabia puder di Spiritu ku ta tisi vida juntu ku Kristu Jesus libran di puder di pekadu ku di mortu.

Romanus 8:34

Kin ku na kondena elis? Kristu Jesus, el ku muri, o minjor, el ku lantandadu na metadi di mortus, el ku sta na mon direita di Deus; tambi i na roga pa nos.

Romanus 8:39

nin altura, nin fundura, nin utru kriatura, ka na pudi rapatinu di amor di Deus ku sta na Kristu Jesus no Siñor.

Romanus 8:4

pa mandamentu justu di lei pudi kumpridu na nos, ku ka na yanda na vontadi di no kurpu, ma na vontadi di Spiritu.

Romanus 8:9

Abos, bo ka na yanda ja na vontadi di bo kurpu, ma na vontadi di Spiritu, si na bardadi Spiritu di Deus sta na bos. Kin ku ka tene Spiritu di Kristu, si dunu i ka del.

1 Koríntius 1:30

Deus junta bos ku Jesus Kristu; i fasil jiresa pa nos. Pabia del tambi i fasinu justu, i santifikanu, i libertanu.

1 Koríntius 15:22

Suma ku tudu jinti muri pabia e liga ku Adon, asin tambi ku tudu na tene vida pabia e liga ku Kristu.

2 Koríntius 12:2

N kunsi un omi di Kristu ku ten katorzi anu ki rabatadu pa terseru seu. Si i na kurpu o fora di kurpu N ka sibi, ma Deus sibi.

2 Koríntius 5:17

Si algin liga ku Kristu, i ta sedu nobu algin. Kusas beju pasa ja; tudu vida bida nobu.

Gálatas 3:13

Suma ku Kristu bida maldison pa nos, i kaplintinu di maldison ku lei tisi, pabia i sta skritu kuma, tudu kil ku pindradu na krus di madera i maldisuadu.

Gálatas 3:26

Pabia di fe na Kristu Jesus, abos tudu bo sedu fijus di Deus.

Gálatas 3:28

Asin i ka ten judeu ku gregu, i ka ten katibu ku libri, i ka ten macu ku femia, pabia abos tudu bo sedu un son na Kristu Jesus.

Gálatas 5:16

N misti fala bos pa bo yanda konformi Spiritu di Deus na gia bos. Asin bo ka na sigi diseẑu mau di bo naturesa.

Gálatas 5:25

Si i Spiritu ku danu vida, no disal tambi pa i gianu na no kamiñu.

Efésius 1:1

Ami Paulu, apostolu di Kristu Jesus pa vontadi di Deus, N na skirbi pa pobu di Deus ku sta na Éfesu, ku sedu fiel na se union ku Kristu Jesus.

Filipensis 3:9

pa N pudi ojadu unidu ku el. Gosi N ka na oja kuma ami N justu pabia di kumpri lei, ma N justu pabia di fe na Kristu. Deus fasin justu pabia di ña fe.