Romanus 7:8 - BIBLIA - traduson antigu in Krioulo

⁸ Pekadu purbita okasion pabia di mandamentu, i lantanda na mi tudu koldadi diseẑu mau, pabia nunde ku lei ka ten, pekadu sta mortu.

Romanus 7:8 ပူးပေါင်းရင်းမြစ်များ

Markus 7:22

dita ku algin ku bu ka kasa ku el, kubisa, malvadesa, nganu, puku borgoña, nveẑa, kalunia, ronka garandesa, tulesa.

Bon Noba di Jesus Kristu ku Jon 15:22

Si ami N ka binba, nin N ka fala ku elis, e ka ta tenba kulpa na se pekadu, ma gosi e ka ten diskulpa di se pekadu.

Bon Noba di Jesus Kristu ku Jon 15:24

Si N ka fasiba e kusas na se metadi ku nunka ningin ka fasi, e ta tenba diskulpa na se pekadu, ma gosi e oja kil ku N fasi, e nfastian, ami ku ña Pape.

Romanus 3:20

Nin un algin ka na ojadu justu pabia di guarda lei, ma lei ta mostranu pekadu.

Romanus 4:15

Lei ta tisi raiba, ma nunde ku lei ka ten, kebra lei ka ten tambi.

Romanus 5:20

Lei bin pa pudi buri pekadu, ma nunde ku pekadu ciu, fabur di Deus i mas ciu,

Romanus 7:11

Pekadu purbita di mandamentu; i nganan; i toma mandamentu, i matan ku el.

Romanus 7:13

Nta kusa bon torna mortu pa mi? Nunka! Ma pekadu, pa i pudi raparadu kuma i pekadu, i toma kusa bon pa i matan ku el, pa mandamentu pudi mostra kuma ku pekadu i un kusa meduñu dimas.

Romanus 7:17

Asin i ka ami ku na fasil, ma i pekadu ku sta dentru di mi ku na pun pa N fasil.

Romanus 7:9

Purmeru N na viviba sin lei. Oca ku mandamentu bin, pekadu vivisi, ami N muri.

1 Koríntius 15:56

Fidida di mortu i pekadu. Forsa di pekadu i lei,