Romanus 7:7 - BIBLIA - traduson antigu in Krioulo

⁷ Ke ku no na fala? Nta lei i pekadu? Nunka! Ma N ka na kunsiba pekadu si i ka lei ku mostran el. N ka na kunsiba ke ki diseẑu mau si i ka lei ku falaba: “Ka bu kubisa.”

Romanus 7:7 ပူးပေါင်းရင်းမြစ်များ

Kumsada 3:6

Minjer oja ki arvuri kuma i bon pa kume, i bonitu na si uju; i kumsa dijal pa i pudi dal ntindimentu. I tira si fruta, i kume, i da tambi si omi; kila kumel juntu ku el.

2 Samuel 11:2

Un dia di tardi, oca Davi lanta na kama, i na pasia-pasia riba di palasiu. Di la i oja un minjer ku na lababa kurpu. Ki minjer i bonitu ba dimas.

Salmus 119:96

N oja kuma tudu kusa, nin si i pirfitu, i ten si limiti, ma bu mandamentu ka ten limiti.

Saida 20:17

“Ka bu kubisa kasa di bu kumpañer, nin ka bu kubisa si minjer, si katibu macu o femia, si turu, si buru, nin nada di bu kumpañer.”

Mikeias 2:2

E ta kubisa lugaris, e toma elis ku forsa; e ta kubisa kasas, e toma elis. E ta fasi violensia, e roba omi si kasa, e toma si yardansa.

Mateus 5:28

Ma N na konta bos kuma, tudu algin ku jubi minjer ku mau pensamentu, i kai ja ku el na si korson.

Lukas 12:15

I fala pobu: “Bo toma sintidu, bo libra di tudu koldadi kubisa, pabia vida di algin i ka sta na manga di kusa ki tene.”

Lukas 20:16

I na bai mata ki labraduris; i na renda utru jinti orta.” Oca pobu obi e palabra e fala: “Pa ka i sedu asin!”

Atus 20:33

N ka kubisa ningin nin uru, nin prata, nin ropa.

Romanus 13:9

Na bardadi, “Ka bu dita ku kin ku bu ka kasa ku el,” “Ka bu mata,” “Ka bu furta,” “Ka bu lantanda falsu tustumuñu,” “Ka bu kubisa,” ku kualker utru mandamentu ku ten, i sta juntu ne un palabra: “Ama bu kumpañer suma bo propi.”

Romanus 3:20

Nin un algin ka na ojadu justu pabia di guarda lei, ma lei ta mostranu pekadu.

Romanus 3:5

Si manera ku no ta fasi mal i ta mas pui bondadi di Deus raparadu, ke ku no pudi fala? O Deus i injustu nan, ora ki na kastiganu ku raiba? (N na fala suma omi.)

Romanus 4:1

Ke ku no pudi fala kuma Abraon, no pape antigu, yangasa?

Romanus 4:15

Lei ta tisi raiba, ma nunde ku lei ka ten, kebra lei ka ten tambi.

Romanus 5:20

Lei bin pa pudi buri pekadu, ma nunde ku pekadu ciu, fabur di Deus i mas ciu,

Romanus 6:15

Ma i ke? No ten ku peka suma no ka sta bas di lei ma bas di fabur di Deus? Nunka!

Romanus 7:11

Pekadu purbita di mandamentu; i nganan; i toma mandamentu, i matan ku el.

Romanus 7:13

Nta kusa bon torna mortu pa mi? Nunka! Ma pekadu, pa i pudi raparadu kuma i pekadu, i toma kusa bon pa i matan ku el, pa mandamentu pudi mostra kuma ku pekadu i un kusa meduñu dimas.

Romanus 7:5

Oca ku no na yanda suma ku naturesa di no kurpu misti, no vontadi forti pa peka, ku lei lantanda dentru di nos, i na tarbajaba na membrus di no kurpu pa tisinu mortu,

Romanus 7:8

Pekadu purbita okasion pabia di mandamentu, i lantanda na mi tudu koldadi diseẑu mau, pabia nunde ku lei ka ten, pekadu sta mortu.

1 Koríntius 15:56

Fidida di mortu i pekadu. Forsa di pekadu i lei,

Efésius 5:3

Pekadu seksual ku tudu koldadi vida susu ku kubisa, i ka bon pa i comadu na bo metadi, suma ku bo sedu pobu di Deus.

Ripitison di Lei 5:21

“Ka bu kubisa minjer di bu kumpañer, nin ka bu kubisa si kasa, si lugar di labur, si katibu macu o femia, si turu, si buru, nin nada di bu kumpañer.”

Kolosensis 3:5

Bo mata ki partis na bos ku sedu di tera, suma pekadu seksual, susidadi, diseẑu mau, vontadi forti pa mal, ku risu mon (ku sedu suma adora idulu).

1 Tesalonisensis 4:5

Ka i disa diseẑu mau yardi dentru del suma jintius ku ka kunsi Deus.

Ebreus 7:19

Lei ka pui nada pa i sta kompletu. Gosi no tisidu un minjor speransa ku ta cigantanu pa Deus.

Josué 7:21

Oca N oja, na metadi di kusas tomadu na gera, un bon kapa di Babilonia, mas di ki dus kilu di prata ku un bloku di uru ku pesa mas di ki meiu kilu, N mistiba elis dimas, N toma. Ala elis sukundidu dentru di ña tenda, na con, ku prata mas pa bas.”