Romanus 7:6 - BIBLIA - traduson antigu in Krioulo

⁶ ma gosi no libradu di lei, pabia no muri pa kil ku peganuba, pa no pudi sirbi na nobu vida di Spiritu, te pa no sirbi lei ku sta skritu, suma ku no ta fasiba antigamenti.

Romanus 7:6 ပူးပေါင်းရင်းမြစ်များ

Ezekiel 11:19

N na da elis un korson son, N na pui spiritu nobu dentru delis. N na tira elis korson di pedra, N da elis korson di karni,

Ezekiel 36:26

N na da bos un korson nobu, N pui na bos un spiritu nobu. N na tira na bos ki korson di pedra, N da bos korson di karni.

Romanus 1:9

Deus i ña tustumuña, ku N ta sirbi ku tudu ña korson, manera ku N ta konta Bon Noba di si Fiju. I sibi kuma N ta lembra di bos sempri

Romanus 12:2

Ka bo fasi suma ku mundu na fasi, ma bo disa Deus arnoba bo pensamentu, pa rabida bo manera di yanda. Asin bo ta pudi rapara kal ki vontadi di Deus, kil ki bon, i pirfitu, i sabi.

Romanus 6:11

Asin tambi abos, bo fasi di konta kuma bo sta mortu pa pekadu, ma bo sta bibu pa Deus, juntu ku Kristu Jesus.

Romanus 6:19

Pabia di frakesa di bo naturesa, N na fala palabra ku omi ta ntindi. Purmeru ba, bo pui bo membrus na katiberasku di susidadi pa fasi mal riba di mal. Asin tambi gosi bo ten ku ntrega bo membrus suma katibus di ben pa fasi kusas diritu, pa bo pudi sedu santu.

Romanus 6:2

Nunka! Anos ku muri ja pa pekadu, kuma ku no na kontinua nel?

Romanus 6:22

Ma gosi, bo sta libri di pekadu, bo fasidu katibus di Deus. Frutu ku bo tene gosi na leba bos pa puresa, dipus pa vida ku ka ta kaba.

Romanus 6:4

Oca no batisadu, no nteradu ku el na mortu, pa no pudi yanda na nobu vida, suma ku puder gloriosu di Pape lantanda Kristu di mortu.

Romanus 7:1

Ermons, N na fala ku bos ku kunsi lei. Sertamenti bo ta ntindi kuma lei ta manda na algin nkuantu i na vivi.

Romanus 7:2

Un minjer kasadu sta ligadu ku si omi pabia di lei nkuantu omi bibu, ma si i muri, minjer sta libri di ki lei di kasamenti.

Romanus 7:4

Asin tambi, ña ermons, bo sta mortu pa lei, manera ku bo sedu kurpu di Kristu, pa bo pudi sedu di utru, ku sedu kil ku lantandadu na metadi di mortus, pa no pudi da frutu pa Deus.

2 Koríntius 3:6

I el ku fasinu kapas di konta jinti aserka di nobu kontratu, ku ka sedu lei skritu, ma di Spiritu. Lei ku skirbidu i ta mata, ma Spiritu ta da vida.

2 Koríntius 5:17

Si algin liga ku Kristu, i ta sedu nobu algin. Kusas beju pasa ja; tudu vida bida nobu.

Gálatas 3:13

Suma ku Kristu bida maldison pa nos, i kaplintinu di maldison ku lei tisi, pabia i sta skritu kuma, tudu kil ku pindradu na krus di madera i maldisuadu.

Gálatas 6:15

I ka ten nin importansia si algin sirkunsidadu o nau; ma ke ki importanti i pa sedu nobu algin.

Efésius 4:24

pa bo bisti nobu naturesa ku Deus kumpu, ku na mostra na vida di bardadi, justu i puru.

Filipensis 3:3

I anos ku risibi sirkunsison di bardadi, pabia no ta adora Deus na Spiritu. No njatamentu i na Kristu Jesus; no ka fiansa na kusas di kurpu.

Kolosensis 3:10

bo bisti ja naturesa nobu ku na arnobadu sempri na parsensa di kil ku kumpul; bo na lebadu pa kunsi Deus diritu.