Romanus 7:23 - BIBLIA - traduson antigu in Krioulo

²³ ma N oja na ña kurpu utru koldadi lei ku na geria kontra lei ku N seta; i na leban pa katiberasku di lei di pekadu ku sta na ña kurpu.

Romanus 7:23 ပူးပေါင်းရင်းမြစ်များ

Salmus 142:7

Tiran na kalabus, pa N pudi ngaba bu nomi. Asin, justus na bin rodian, pabia di bu bondadi pa mi.

Eklesiastis 7:20

Na bardadi i ka ten omi justu na mundu ku ta fasi kil ki sertu, ku nunka ka ta peka.

Romanus 6:13

Ka bo ntrega membrus di bo kurpu pa pekadu, suma feramentu di mal, ma bo ntrega bo kurpu pa Deus, suma bibus ku tiradu na metadi di mortus. Bo ntrega bo membrus pa Deus suma feramentu di fasi ben.

Romanus 6:19

Pabia di frakesa di bo naturesa, N na fala palabra ku omi ta ntindi. Purmeru ba, bo pui bo membrus na katiberasku di susidadi pa fasi mal riba di mal. Asin tambi gosi bo ten ku ntrega bo membrus suma katibus di ben pa fasi kusas diritu, pa bo pudi sedu santu.

Romanus 7:14

No sibi kuma lei i spiritual, ma ami i karnal, bindidu suma katibu pa pekadu.

Romanus 7:21

N rapara e manera ku, nin ku N misti fasi ben, mal sta na mi.

Romanus 7:25

Deus obrigadu pabia di Jesus Kristu no Siñor! Asin, ami propi N ta sirbi lei di Deus ku ña ntindimentu, ma N ta sirbi lei di pekadu ku ña naturesa di kurpu.

Romanus 7:5

Oca ku no na yanda suma ku naturesa di no kurpu misti, no vontadi forti pa peka, ku lei lantanda dentru di nos, i na tarbajaba na membrus di no kurpu pa tisinu mortu,

Romanus 8:2

pabia puder di Spiritu ku ta tisi vida juntu ku Kristu Jesus libran di puder di pekadu ku di mortu.

Gálatas 5:17

Kil ku no naturesa umanu misti i kontra kil ku Spiritu misti. Kil ku Spiritu tambi misti i kontra no naturesa. E dus e ta geria kontra ŋutru; asin bo ka ta pudi fasi kil ku bo misti,

Ebreus 12:4

Na bo luta kontra pekadu bo ka risisti inda tok bo tiradu sangi.

Tiagu 3:2

Anos tudu no ta yara ciu, ma si algin ka ta yara na palabra, si dunu i diritu, i pudi tambi manda na tudu si kurpu.

Tiagu 4:1

Ki geras ku jus na bo metadi, nunde ke sai nel? Nta e ka bin di diseẑus ku bo ten ku na luta dentru di bos?

1 Pedru 2:11

Ña kiridus, suma ku bo sedu ospris stranjeru, N pidi bos pa bo libra di mau diseẑu di kurpu, ku ta geria kontra alma.