Romanus 6:23 - BIBLIA - traduson antigu in Krioulo

²³ Pagamentu di pekadu i mortu, ma kil ku Deus ta danu di grasa i vida ku ka ta kaba, pabia di Kristu Jesus no Siñor.

Romanus 6:23 ပူးပေါင်းရင်းမြစ်များ

Kumsada 2:17

ma arvuri ku ta da kuñisimentu di ben ku mal, ka bu kumel, pabia dia ku bu kumel, bu na muri.”

Kumsada 3:19

Bu na kume bu kumida ku kalur di bu rostu, tok bu riba pa con nunde ku bu tiradu; pabia bu kumpudu ku reia; bu na torna sedu reia.”

Ditus 11:19

Kil ku pui sintidu pa yanda na kamiñu sertu na oja vida, ma kil ku pega tras di mal i pegal pa si mortu.

Isaias 3:11

Ai di omi mau! Kusas na kuril mal, pabia i na dadu pagamentu di kusas ki fasi ku si mon propi.

Isaias 3:9

Se rostu ta mostra se kulpa; elis e ta peka dianti di jinti suma jinti di Sodoma ta pekaba; e ka ta sukundi. Ai delis! E ta fasi mal pa se kabesa.

Ezekiel 18:20

Algin ku peka, i el ku na muri. Fiju ka na leba kulpa di si pape, nin pape ka na leba kulpa di si fiju. Bondadi di omi bon na fika pa el; maldadi di omi mau na kai riba del.

Ezekiel 18:4

Vida di tudu jinti i di mi; vida di pape suma di fiju, tudu i di mi. Algin ku peka, el propi ku na muri.

Mateus 25:46

“Esis na si skerda e na bai pa kastigu ku ka ta kaba, ma jinti justu na bai pa vida ku ka ta kaba.”

Bon Noba di Jesus Kristu ku Jon 10:28

N ta da elis vida ku ka ta kaba; nunka e ka na pirdi. Ningin ka na rabata elis na ña mon.

Bon Noba di Jesus Kristu ku Jon 17:2

suma ku bu dal puder riba di tudu jinti, pa i pudi da vida ku ka ta kaba pa tudu kilis ku bu ntregal.

Bon Noba di Jesus Kristu ku Jon 3:36

Kin ku seta Fiju i ta tene vida ku ka ta kaba, ma kin ku ka seta Fiju i ka ta oja vida; kastigu di Deus na fika riba del.

Bon Noba di Jesus Kristu ku Jon 4:14

ma kin ku bibi yagu ku ami N na dal i ka ta torna tene sedi mas, pabia yagu ku N na dal i ta fasi nel fonti di yagu bibu ku ta darma pa vida ku ka ta kaba.”

Bon Noba di Jesus Kristu ku Jon 4:36

Kin ku kebra ta risibi pagamentu; i ta junta frutu pa vida ku ka ta kaba, pa kil ku ta sumia ku kil ku ta kebra, tudu ta fika kontenti.

Bon Noba di Jesus Kristu ku Jon 5:24

“N na konta bos bardadi, kin ku obi ña palabra, i seta kil ku mandan, i ta tene vida ku ka ta kaba. I ka na kondenadu, ma i pasa ja di mortu pa vida.

Bon Noba di Jesus Kristu ku Jon 6:27

Ka bo tarbaja pa kumida ku ta dana, ma bo tarbaja pa kumida ku ka ta dana, ku ta fika pa vida ku ka ta kaba, ku Fiju di omi na bin da bos, pabia Deus si Pape pui si karimbu riba del.”

Bon Noba di Jesus Kristu ku Jon 6:40

Tambi vontadi di kil ku mandan i es: tudu kil ku ojan, i setan, ami Fiju di Deus, pa i tene vida ku ka ta kaba; na ultimu dia N ta lantandal di mortu.”

Bon Noba di Jesus Kristu ku Jon 6:68

Simon Pedru ruspundil: “Siñor, pa kin ku no na bai? I abo ku tene palabra ku ta da vida ku ka ta kaba.

Romanus 1:32

E jinti e kunsi lei di Deus diritu, ku fala kuma kilis ku ta fasi e koldadi kusas e mersi mortu, ma i ka son kuma e ta fasil; tambi e ta kontenti pa utrus fasil.

Romanus 2:7

I na da vida ku ka ta kaba pa kilis ku kontinua na fasi ben, e buska gloria ku rispitu, ku vida ku ka na dana,

Romanus 5:12

Pekadu yentra na mundu pabia di un omi; i tisi mortu. Asin tambi mortu pasa pa tudu jinti pabia tudu peka.

Romanus 5:17

Pabia di pekadu di un omi, mortu bin rena pabia di ki algin, ma kil ku Deus pati i muitu mas garandi. Kilis ku risibi fabur ciu, e ojadu justu sin paga nada, e ta rena na vida pabia di un omi, ki Jesus Kristu.

Romanus 5:21

pa e fabur pudi rena na justisa pa tisi vida ku ka ta kaba, pabia di no Siñor Jesus Kristu, na mesmu manera ku pekadu rena na mortu.

Romanus 6:16

Nta bo ka sibi kuma, ora ku bo ntrega bo kurpu suma katibu pa sirbi algin, bo sedu katibu di kil ku bo na sirbi? Bo sedu katibu di pekadu ku ta leba bos pa mortu, o bo sedu katibu pa obdisi pa fasi bos justu.

Romanus 6:21

Kal rusultadu ku bo tenba di ki kusas ku gosi bo ta burguñu ku el? Fin di ki kusas i mortu.

Romanus 8:13

Si bo yanda suma ku bo kurpu misti, bo na muri, ma si, na puder di Spiritu, bo mata kustumus di bo kurpu, bo ta vivi.

Romanus 8:38

pabia N fia kuma, nin mortu, nin vida, nin anju, nin otridadi, nin puder di dimoniu, nin e tempu li, nin tempu futuru,

Romanus 8:39

nin altura, nin fundura, nin utru kriatura, ka na pudi rapatinu di amor di Deus ku sta na Kristu Jesus no Siñor.

Romanus 8:6

Si pensamentu bai pa kusas di naturesa, i ta tisi mortu, ma si i bai pa kusas di Spiritu, i ta tisi vida ku diskansu.

Gálatas 3:10

Kilis ku pui se fiansa na obdisi lei e sta bas di maldison, pabia Skritura fala kuma: “Tudu kil ku ka ta kontinua fasi tudu kusa ku sta skritu na libru di lei i maldisuadu.”

Titu 1:2

na speransa di vida ku ka ta kaba. Deus, ku ka ta konta mintida, falaba ja antis di kumsada di tempu, kuma i na danu e vida.

Tiagu 1:15

Ora ku ki diseẑu mau preña, i ta padi pekadu. Ora ku pekadu kirsi, i ta padi mortu.

1 Jon 2:25

Es i kusa ki fala i na danu: vida ku ka ta kaba.

Apokalipsi 21:8

Ma pa kilis ku kobardu, ku kilis ki ka fiel, ku jinti di vida susu, ku mataduris, kaiduris di cai, botaduris di sorti, kilis ku ta adora idulus, ku tudu munturusis, se lugar i na sedu na lagua ku na yardi ku fugu ku nŝofri; i el ki sugundu mortu.”