Romanus 6:2 - BIBLIA - traduson antigu in Krioulo

² Nunka! Anos ku muri ja pa pekadu, kuma ku no na kontinua nel?

Romanus 6:2 ပူးပေါင်းရင်းမြစ်များ

Kumsada 39:9

Ne kasa i ka ten ningin riba di mi. Ña dunu ka tujin nada, si i ka sedu abo, pabia bu sedu si minjer. Kuma ku N na fasi e mal garandi, N peka kontra Deus?”

Salmus 119:104

N ngaña ntindimentu pabia di bu mandamentus; e ku manda N nuju tudu kamiñu di mintida.

Lukas 20:16

I na bai mata ki labraduris; i na renda utru jinti orta.” Oca pobu obi e palabra e fala: “Pa ka i sedu asin!”

Romanus 5:11

I ka son es, ma no kontenti ku Deus pabia di no Siñor Jesus Kristu ku fasinu amigus di Deus.

Romanus 6:15

Ma i ke? No ten ku peka suma no ka sta bas di lei ma bas di fabur di Deus? Nunka!

Romanus 7:4

Asin tambi, ña ermons, bo sta mortu pa lei, manera ku bo sedu kurpu di Kristu, pa bo pudi sedu di utru, ku sedu kil ku lantandadu na metadi di mortus, pa no pudi da frutu pa Deus.

Romanus 7:6

ma gosi no libradu di lei, pabia no muri pa kil ku peganuba, pa no pudi sirbi na nobu vida di Spiritu, te pa no sirbi lei ku sta skritu, suma ku no ta fasiba antigamenti.

Gálatas 2:19

Na ladu di lei N sta mortu; i lei propi ku matan, pa N pudi vivi pa Deus.

Gálatas 6:14

Pa Deus lunjusin di njata na utru kusa ku ka sedu krus di no Siñor Jesus Kristu, kil ku, pabia del, mundu sta krusifikadu pa mi, ami pa mundu.

Kolosensis 2:20

Si bo muri ja ku Kristu, bo sta libri di nsinamentu di mundu, ke ku manda bo na yanda inda suma bo sta na mundu? Ke ku manda bo na obdisi ordi di kilis ku na fala bos:

Kolosensis 3:3

pabia bo muri; bo vida sta sukundidu ku Kristu na Deus.

1 Pedru 1:14

Suma fijus obdienti, ka bo forma bo vida konformi diseẑus mau ku bo tenba oca ku bo ka sibiba nada inda,

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

1 Jon 3:9

Kil ku padidu na familia di Deus ka ta fasi pekadu, pabia simentera di Deus sta nel. I ka pudi kontinua na pekadu, pabia i padidu na familia di Deus.