Romanus 6:11 - BIBLIA - traduson antigu in Krioulo

¹¹ Asin tambi abos, bo fasi di konta kuma bo sta mortu pa pekadu, ma bo sta bibu pa Deus, juntu ku Kristu Jesus.

Romanus 6:11 ပူးပေါင်းရင်းမြစ်များ

Bon Noba di Jesus Kristu ku Jon 20:31

ma e kusas sta skritu pa bo fia kuma Jesus i Mesias, Fiju di Deus, pa ora ku bo fia nel, bo ta tene vida na si nomi.

Romanus 16:27

E uniku Deus jiru, i mersi dadu gloria pa tudu sempri pa Jesus Kristu. Amen.

Romanus 5:1

Manera ku no ojadu justu pa fe, no ten pas ku Deus pabia di no Siñor Jesus Kristu

Romanus 6:10

Manera ki muri, i muri janan pa pekadu. Manera ki na vivi, i na vivi pa Deus.

Romanus 6:13

Ka bo ntrega membrus di bo kurpu pa pekadu, suma feramentu di mal, ma bo ntrega bo kurpu pa Deus, suma bibus ku tiradu na metadi di mortus. Bo ntrega bo membrus pa Deus suma feramentu di fasi ben.

Romanus 6:2

Nunka! Anos ku muri ja pa pekadu, kuma ku no na kontinua nel?

Romanus 6:23

Pagamentu di pekadu i mortu, ma kil ku Deus ta danu di grasa i vida ku ka ta kaba, pabia di Kristu Jesus no Siñor.

Romanus 7:4

Asin tambi, ña ermons, bo sta mortu pa lei, manera ku bo sedu kurpu di Kristu, pa bo pudi sedu di utru, ku sedu kil ku lantandadu na metadi di mortus, pa no pudi da frutu pa Deus.

Romanus 7:6

ma gosi no libradu di lei, pabia no muri pa kil ku peganuba, pa no pudi sirbi na nobu vida di Spiritu, te pa no sirbi lei ku sta skritu, suma ku no ta fasiba antigamenti.

Romanus 8:18

Ami N ten sertesa kuma, sufrimentu de tempu, no ka pudi parsintil ku gloria ku na bin mostradu na nos.

1 Koríntius 6:20

pabia bo kumpradu ku bon pres. Bo ta tene bo kurpu pa gloria di Deus.

Efésius 2:7

I fasi asin pa mostra, na tempus ku na bin, garandi rikesa di si fabur na bondadi ki ten pa nos na Kristu Jesus.

Filipensis 1:11

Ku puder ku Jesus Kristu ta pui dentru di bos, bo ta mostra ki bon manera di sedu ku ta pui jinti glorifika Deus, pa e ngabal.

Filipensis 4:7

Asin, pas di Deus ku pasa tudu ntindimentu i ta guarda bo korson ku bo pensamentu na unidadi ku Kristu Jesus.

Kolosensis 2:20

Si bo muri ja ku Kristu, bo sta libri di nsinamentu di mundu, ke ku manda bo na yanda inda suma bo sta na mundu? Ke ku manda bo na obdisi ordi di kilis ku na fala bos:

Kolosensis 3:17

Tudu ku bo fasi, palabra o tarbaju, bo fasil na nomi di Siñor Jesus; bo fala Deus no Pape obrigadu na si nomi.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

1 Pedru 2:5

abos tambi, suma pedras bibu, bo na kumpudu pa forma kasa spiritual, pa sedu saserdotis santu pa fasi sakrifisius ku Deus ta seta, sakrifisius spiritual pabia di Jesus Kristu.

1 Pedru 4:11

Si algin na papia, pa i papia suma ki ntregadu rekadu di Deus. Si algin na sirbi, pa i sirbi konformi forsa ku Deus dal, pa Deus pudi ngabadu na tudu, na nomi di Jesus Kristu, kil ku gloria ku puder pertensi pa tudu sempri. Amen.