Romanus 5:3 - BIBLIA - traduson antigu in Krioulo

³ I ka son kila, ma tambi no kontenti na kansera. No sibi kuma kansera ta da firmesa;

Romanus 5:3 ပူးပေါင်းရင်းမြစ်များ

Abakuk 3:18

ma inda asin, N na fika alegri na SIÑOR, N na kontenti ku Deus ña Salbadur.

Lukas 21:19

Bo fika firmi, bo na sedu salbu.

Atus 5:41

E sai na metadi di Konseliu, kontenti dimas pabia Deus oja elis mersidur di sufri borgoña pabia di nomi di Jesus.

Romanus 5:11

I ka son es, ma no kontenti ku Deus pabia di no Siñor Jesus Kristu ku fasinu amigus di Deus.

Romanus 8:23

I ka el son, ma anos tambi ku risibi purmeru pursenti di Deus, ku sedu si Spiritu, no na jimi dentru di nos, suma ku no na pera pa Deus fasinu si fijus, pa i libra no kurpu.

Romanus 9:10

I ka son es, ma Rebeka tambi i teneba bariga di un omi ku sedu Isak no pape.

2 Koríntius 4:17

No sufrimentu pikininu ka ta tarda, ma i ta tisinu un garandi gloria ku ka ta kaba, ku na pesa mas di ki sufrimentu ku no ta pasa.

2 Koríntius 8:19

I ka son es, ma tambi igreẑas kujil pa i sedu no kumpañer na bias pa leba e oferta pa gloria di Siñor, pa mostra no bon vontadi pa juda.

Efésius 3:13

E ku manda N na pidi bos pa ka bo pirdi koraẑen na ña sufrimentu pa bos, pabia el ku ta tisi bos gloria.

Filipensis 1:29

pabia bo dadu fabur, i ka son pa fia na Kristu, ma tambi pa sufri pa el.

Tiagu 1:12

Sortiadu un algin ku nguenta tentason, i fika fiel, pabia, dipus di pasa proba, i ta risibi premiu ku sedu vida ku Deus fala i na da kilis ku amal.

1 Pedru 3:14

Nin ku bo sufri pabia bo na fasi ben, bo ta sedu sortiadu. Ka bo ten medu delis, nin ka bo tarpaja.