Romanus 5:21 - BIBLIA - traduson antigu in Krioulo

²¹ pa e fabur pudi rena na justisa pa tisi vida ku ka ta kaba, pabia di no Siñor Jesus Kristu, na mesmu manera ku pekadu rena na mortu.

Romanus 5:21 ပူးပေါင်းရင်းမြစ်များ

Mateus 25:46

“Esis na si skerda e na bai pa kastigu ku ka ta kaba, ma jinti justu na bai pa vida ku ka ta kaba.”

Bon Noba di Jesus Kristu ku Jon 1:14

Kil ki Palabra i bida omi; i mora na no metadi, incidu di grasa ku bardadi. No oja si gloria, ku seduba gloria di ki un Fiju son di si Pape.

Bon Noba di Jesus Kristu ku Jon 10:28

N ta da elis vida ku ka ta kaba; nunka e ka na pirdi. Ningin ka na rabata elis na ña mon.

Romanus 4:13

Deus fala Abraon ku si jorson kuma mundu na sedu di selis. I ka daba elis e purmesa pabia Abraon kumpri lei, ma i pabia si fe pul pa i ojadu justu.

Romanus 5:12

Pekadu yentra na mundu pabia di un omi; i tisi mortu. Asin tambi mortu pasa pa tudu jinti pabia tudu peka.

Romanus 5:14

Desdi Adon te Moisés mortu rena, te na kilis ku ka peka suma Adon ku kebra ordi di Deus. Adon i figura di kil ku tenba ku bin.

Romanus 5:17

Pabia di pekadu di un omi, mortu bin rena pabia di ki algin, ma kil ku Deus pati i muitu mas garandi. Kilis ku risibi fabur ciu, e ojadu justu sin paga nada, e ta rena na vida pabia di un omi, ki Jesus Kristu.

Romanus 6:12

Pekadu ka dibi di manda mas na bo kurpu mortal, pa bo torna sigi si diseẑu mau.

Romanus 6:14

Pekadu ka na ten forsa riba di bos, suma bo ka sta bas di lei, ma bo sta bas di fabur di Deus.

Romanus 6:16

Nta bo ka sibi kuma, ora ku bo ntrega bo kurpu suma katibu pa sirbi algin, bo sedu katibu di kil ku bo na sirbi? Bo sedu katibu di pekadu ku ta leba bos pa mortu, o bo sedu katibu pa obdisi pa fasi bos justu.

Romanus 6:23

Pagamentu di pekadu i mortu, ma kil ku Deus ta danu di grasa i vida ku ka ta kaba, pabia di Kristu Jesus no Siñor.

Romanus 8:10

Si Kristu mora na bos, nin ku kurpu sta mortu pabia di pekadu, ma spiritu sta bibu, manera ku bo ojadu justu dianti di Deus.

Titu 2:11

Deus mostra tudu jinti si fabur ku ta salba,

Ebreus 4:16

Asin no ciga ku fiansa dianti di tronu di Deus, nunde ku no na oja fabur, pa no yangasa miserikordia ku fabur, ku ajuda na ora ku no pirsisa del.

1 Pedru 5:10

Dipus di bo sufri un bokadu di tempu, Deus ku ta da tudu grasa, ku coma bos na Kristu pa bo toma parti na si gloria ku ka na kaba, i ta fasi bos kompletu, i ta firmanta bos, i fortifika bos, i da bos firmi alisersu.

2 Pedru 1:1

Ami Simon Pedru, servu ku apostolu di Jesus Kristu, N na skirbi pa kilis ku yangasa fe di garandi balur suma di nos, pabia di bondadi di no Deus i Salbadur, Jesus Kristu.

1 Jon 2:25

Es i kusa ki fala i na danu: vida ku ka ta kaba.