Romanus 5:16 - BIBLIA - traduson antigu in Krioulo

¹⁶ Pursenti i ka juntu ku pekadu ku ki un omi fasi. Julgamentu binba, na bardadi, pabia di ki un pekadu; i tisi kondenason, ma, dipus di manga di pekadu fasidu, pursenti di Deus binba pa fasi jinti justu.

Romanus 5:16 ပူးပေါင်းရင်းမြစ်များ

Isaias 1:18

SIÑOR fala: “Bo bin no ruma; mesmu ku bo pekadu i suma nodu kargadu na bos, i na torna branku fandan; nin si i burmeju wak, i na torna suma algadon.

Isaias 43:25

“I ami, ami propi ku na limpa kusas mau ku bu fasi, pabia di kin ku N sedu; N ka na lembra mas di bu pekadus.

Isaias 44:22

N na pirdinti bu pekadus ku malis ku bu fasi, suma serenu o nuven. Riba pa mi, pabia N libertau di katiberasku.”

Mateus 6:14

“Si bo purda kilis ku yara bos, asin tambi ku bo Pape ku sta na seu na purda bos,

Romanus 8:1

I ka ten kondenason pa kilis ku liga ja ku Kristu Jesus, [ku ka ta yanda konformi vontadi di se kurpu, ma konformi Spiritu,]

1 Koríntius 11:32

Ora ku Siñor na julganu, i na disiplinanu pa ka no bin julgadu ku kilis di mundu.

Gálatas 3:10

Kilis ku pui se fiansa na obdisi lei e sta bas di maldison, pabia Skritura fala kuma: “Tudu kil ku ka ta kontinua fasi tudu kusa ku sta skritu na libru di lei i maldisuadu.”

Tiagu 2:10

Kil ku guarda tudu lei, i yara na un puntu son, i ta sedu kulpadu di tudu.