Romanus 4:9 - BIBLIA - traduson antigu in Krioulo

⁹ Nta e sorti bin son pa kilis ku sirkunsidadu, o tambi pa kilis ku ka sirkunsidadu? No fala kuma Abraon fia na Deus; si fiansa pui Deus i ojal justu.

Romanus 4:9 ပူးပေါင်းရင်းမြစ်များ

Kumsada 15:6

Abron fia na SIÑOR; si fiansa pui Deus i ojal justu.

Isaias 49:6

SIÑOR falan: “Bu sedu ña servu pa torna tisi jorsons di Jakó, pa ribanta kilis di Israel ku sobra ku vida. Ma es i kusa pikininu; N na buriu mas: N na fasiu pa bu sedu lus di utru nasons, pa leba ña salbason te na kantus mas lunju di mundu.”

Lukas 2:32

I lus pa numia jintius, tambi i pa sedu gloria pa bu pobu Israel.”

Romanus 4:10

Kal tempu ku si fiansa kontadu suma justisa? Oca i sirkunsidadu o i ka sirkunsidadu? I ka dipus ma antis di i sirkunsidadu.

Romanus 4:3

Nta ke ku Skritura fala? I fala kuma: “Abraon fia na Deus; si fiansa pui Deus ojal justu.”

Gálatas 3:14

Kristu fasi asin pa benson ku Deus fala i na da Abraon pudi dadu pa jintius pabia di Jesus Kristu, pa anos, suma no fia, no pudi risibi Spiritu ku Deus fala i na da.

Efésius 3:8

Ami ki menus di tudu pobu di Deus, ma Deus dan e fabur di konta jintius Bon Noba di garandi rikesa di Kristu ku no ka pudi ntindi,

Kolosensis 3:11

Ali i ka ten separason entri gregu ku judeu, entri kil ku sirkunsidadu ku kil ku ka sirkunsidadu, entri stranjeru ku jintiu brabu, entri katibu ku libri, ma Kristu i tudu; i sta na tudu.