Romanus 4:11 - BIBLIA - traduson antigu in Krioulo

¹¹ I risibi sirkunsison suma sinal di kuma i sedu justu pabia di si fe antis di i sirkunsidadu, pa i pudi sedu pape di tudu kilis ku fia ku ka sirkunsidadu, pa elis tambi pudi ojadu justu;

Romanus 4:11 ပူးပေါင်းရင်းမြစ်များ

Kumsada 17:24

Abraon teneba noventa i novi anu oca ki sirkunsidadu.

Salmus 47:9

Ŝefis di nasons e junta pa sedu pobu di Deus di Abraon, pabia reis di mundu e sedu di Deus; el i sta na kau altu, riba di tudu.

Saida 12:13

Ki sangi na sedu sinal pa bos na kasas ku bo sta nel; ora ku N oja sangi, N na pasa riba di bos. Ki praga di mortundadi ka na toka bos ora ku N mata jinti na tera di Ejitu.

Saida 31:13

pa i papia ku fijus di Israel, i fala elis: “Bo ten ku guarda ña dias di diskansu, pabia i sinal na metadi di mi ku bos pa sempri, pa bo sibi kuma ami i SIÑOR ku separa bos pa bo sedu ña pobu.

Saida 31:17

Na no metadi, ami ku fijus di Israel, i na sedu un sinal pa sempri, pabia na seis dia SIÑOR kumpu seu ku tera, ma na setimu dia i para tarbaja, i diskansa.”

Ezekiel 20:12

N da elis tambi ña dias di diskansu pa e sedu sinal na metadi di mi ku elis, pa e pudi sibi kuma ami N sedu SIÑOR ku separa elis pa mi.

Ezekiel 20:20

Bo guarda ña dias di diskansu suma dia sagradu, pa i sedu un sinal na metadi di mi ku bos, pa bo sibi kuma ami N sedu SIÑOR bo Deus.”

Mateus 16:16

Simon Pedru ruspundi, i falal: “Abo i Mesias, Fiju di Deus bibu.”

Mateus 8:11

N na konta bos kuma, manga di jinti na bin di saida ku kaida di sol, e na sinta na mesa ku Abraon, Isak ku Jakó, na renu di seu,

Lukas 19:9

Jesus falal: “Aos salbason bin pa e kasa; e omi tambi i fiju di Abraon.

Bon Noba di Jesus Kristu ku Jon 3:33

Kin ku seta si palabra i ta konfirma kuma Deus ta fala bardadi.

Bon Noba di Jesus Kristu ku Jon 3:36

Kin ku seta Fiju i ta tene vida ku ka ta kaba, ma kin ku ka seta Fiju i ka ta oja vida; kastigu di Deus na fika riba del.

Bon Noba di Jesus Kristu ku Jon 6:35

Jesus fala elis: “Ami i pon ku ta da vida; kin ku bin pa mi, nunka mas i ka na bin tene fomi; kin ku setan, nunka mas sedi ka na bin tenel.

Bon Noba di Jesus Kristu ku Jon 6:40

Tambi vontadi di kil ku mandan i es: tudu kil ku ojan, i setan, ami Fiju di Deus, pa i tene vida ku ka ta kaba; na ultimu dia N ta lantandal di mortu.”

Bon Noba di Jesus Kristu ku Jon 6:47

N na konta bos bardadi, kin ku setan i ta tene vida ku ka ta kaba.

Bon Noba di Jesus Kristu ku Jon 8:33

E ruspundil: “Anos i jorson di Abraon; nunka no ka sedu katibu di ningin. Kuma ku bu na fala kuma no ta sta libri?”

Romanus 10:11

Skritura fala kuma tudu ku setal ka ta pasa borgoña.

Romanus 10:4

Kristu i kabantada di lei di Moisés, pa tudu kilis ku seta Kristu pudi ojadu justu.

Romanus 10:6

Aserka di sedu justu pabia di fe, i fala: “Ka bu punta na bu korson: ‘Kin ku na subi na seu?’ ” (ku sedu pa bai tisi Kristu di riba)

Romanus 3:22

Deus ta fasi jinti ku fia na Jesus Kristu pa e sedu justu. El i ka ta fasi skuju; i pa tudu kil ku ten fe.

Romanus 3:26

pa i pudi mostra si bondadi ne tempu, kuma el i justu, i ta pui kil ku fia na Jesus sedu justu.

Romanus 3:30

suma Deus i un son, ku ta fasi judeu justu pabia di fe; i ta fasi tambi jintiu ku ten fe nel justu.

Romanus 4:10

Kal tempu ku si fiansa kontadu suma justisa? Oca i sirkunsidadu o i ka sirkunsidadu? I ka dipus ma antis di i sirkunsidadu.

Romanus 9:30

Ke ku no na fala gora? No na fala kuma jintius ku ka na buskaba sedu justu, e bin ojadu justu pabia di se fe,

Romanus 9:33

suma ki sta skritu: “Bo oja, N na pui na Sion un pedra di da tapada, un roca ku na pui elis kai. Kin ku fia nel ka na fika ku borgoña.”

Romanus 9:6

I ka suma palabra di Deus maina. I ka tudu kilis ki di sangi di Israel ku sedu israelita,

2 Koríntius 1:22

I el tambi ku punu si marka, i danu si Spiritu dentru di no korson suma garantia.

Gálatas 3:22

ma Skritura fala kuma, tudu jinti sta bas di puder di pekadu, pa Deus pudi da krentis ki kusa ki fala i na da kilis ku fia na Jesus Kristu.

Gálatas 3:29

Si bo pertensi Kristu, bo sedu jorson di Abraon, bo na risibi kil ku Deus fala i na da.

Gálatas 3:7

Bo dibi di ntindi kuma, jinti ku ten fe, elis ku sedu fijus di Abraon.

Gálatas 5:5

Suma nos, no speransa ku no na pera i pa no ojadu justu pa tarbaju di Spiritu di Deus pabia di no fe.

Gálatas 6:16

Pa tudu kilis ku na yanda konformi e nsinamentu, pas ku miserikordia ta sta riba delis, tambi riba di tudu Israel di Deus.

Efésius 1:13

Abos tambi ku obi palabra di bardadi, ku sedu Bon Noba ku tisi bos salbason, bo seta Kristu, bo yentra na union ku el; Deus marka bos ku Spiritu Santu ki falaba i na da.

Efésius 4:30

Ka bo pui Spiritu Santu di Deus pa i sta tristi, pabia Spiritu i un marka ku bo markadu ku el pa dia di libertason.

Ripitison di Lei 30:6

SIÑOR bu Deus na tira maldadi di bu korson, ku korson di bu fijus, pa bu pudi ama SIÑOR bu Deus di tudu bu korson ku bu alma, pa bu pudi tene vida.

Filipensis 3:9

pa N pudi ojadu unidu ku el. Gosi N ka na oja kuma ami N justu pabia di kumpri lei, ma N justu pabia di fe na Kristu. Deus fasin justu pabia di ña fe.

Ebreus 11:7

I fe ku pui Noe, oca Deus avisal di kusas ki ka oja inda, i seta, i kumpu barku pa salba si familia. Pabia di kila, mundu kondenadu, ma Deus oca Noe justu pabia di si fe.

2 Pedru 1:1

Ami Simon Pedru, servu ku apostolu di Jesus Kristu, N na skirbi pa kilis ku yangasa fe di garandi balur suma di nos, pabia di bondadi di no Deus i Salbadur, Jesus Kristu.

Apokalipsi 9:4

E faladu pa ka dana erva, nin un planta verdi, nin un arvuri, ma son jinti ku ka tene marka di Deus na se testa. x