Romanus 3:4 - BIBLIA - traduson antigu in Krioulo

⁴ Nunka! Deus ten ku sedu di bardadi, nin ku tudu omi sedu munturus, suma ki sta skritu: “Pa bu sedu justifikadu na bu palabras; ora ku bu sedu julgadu, pa bu ngaña.”

Romanus 3:4 ပူးပေါင်းရင်းမြစ်များ

Jo 36:3

N tisi ña kuñisimentu di lunju; N na torna diklara kuma kil ku kumpun i justu.

Jo 40:8

“Nta bu misti proba kuma N ka sedu justu? Bu na kondenan pa da bu kabesa roson?

Salmus 100:5

pabia SIÑOR i bon; si amor ka ta kaba. El i fiel pa kada manjuandadi, pa tudu sempri.

Salmus 116:11

N turmenta, N fala: “Tudu jinti i falsu!”

Salmus 119:160

Bu palabra i di bardadi disna di kumsada; kada un di bu leis justu i pa sempri.

Salmus 138:2

N na mpina pa ladu di bu kasa sagradu, N ngaba bu nomi, pabia di bu bondadi ku bu bardadi; bu garandisi bu palabra ku bu nomi riba di tudu.

Salmus 51:4

I kontra bo ku N peka, i son kontra bo; N fasi kil ki mau bu dianti. Asin bu ten tudu roson ora ku bu papia, bu julgan.

Salmus 62:9

Omis di katigoria bas e ka sedu nada; kilis di altu katigoria e fufu. Elis tudu juntu, si e pesadu na balansu, e ta ojadu mas lebi di ki bentu.

Mikeias 7:20

Bu na sedu fiel pa Jakó, bu na sedu bon pa Abraon, suma ku bu jurmenta pa no papes disna di tempu antigu.

Mateus 11:19

Fiju di omi bin, i ta kume, i bibi; e fala: ‘Es i ta kume dimas, kaba i bibidur, amigu di kobraduris di mpustu ku jinti di mau nomi.’ Ma jiresa di Deus ta mostradu kuma i sertu pabia di si rusultadu.”

Lukas 20:16

I na bai mata ki labraduris; i na renda utru jinti orta.” Oca pobu obi e palabra e fala: “Pa ka i sedu asin!”

Bon Noba di Jesus Kristu ku Jon 3:33

Kin ku seta si palabra i ta konfirma kuma Deus ta fala bardadi.

Romanus 11:1

E ku manda N na punta: Nta Deus nega si pobu? I ka nega elis. Ami i israelita, di jorson di Abraon, di rasa di Benjamin.

Romanus 11:11

Nta N punta: E mbaransa pa e pudi kai? Nau, i ka el. Pabia di se kaida salbason bin pa kilis ki ka judeu, pa lantanda judeus kumbosadia.

Romanus 3:31

Nta no na pirdinti lei pabia di fe? Nunka, ma no na firmanta lei.

Romanus 6:15

Ma i ke? No ten ku peka suma no ka sta bas di lei ma bas di fabur di Deus? Nunka!

Romanus 6:2

Nunka! Anos ku muri ja pa pekadu, kuma ku no na kontinua nel?

Romanus 7:13

Nta kusa bon torna mortu pa mi? Nunka! Ma pekadu, pa i pudi raparadu kuma i pekadu, i toma kusa bon pa i matan ku el, pa mandamentu pudi mostra kuma ku pekadu i un kusa meduñu dimas.

Romanus 7:7

Ke ku no na fala? Nta lei i pekadu? Nunka! Ma N ka na kunsiba pekadu si i ka lei ku mostran el. N ka na kunsiba ke ki diseẑu mau si i ka lei ku falaba: “Ka bu kubisa.”

Romanus 9:14

Ke ku no na fala gora? Nta Deus i injustu? Nau, i ka injustu.

1 Koríntius 6:15

Bo ka sibi kuma bo kurpu fasi parti di kurpu di Kristu? Nta N na toma parti di kurpu di Kristu pa N fasil parti di algin di mau vida? Di nin un manera!

2 Koríntius 1:18

Suma ku Deus i fiel, kil ku no ta fala bos i ka Sin ku Nau jagasidu.

Gálatas 2:17

Si anos, ku na buska fasidu justu na no ligason ku Kristu, no na ojadu ku pekadu suma kilis ki ka judeus, N punta: I pabia Kristu na sirbi pekadu? Di nin un manera!

Gálatas 2:21

N ka na nega fabur di Deus. Si algin ta fasidu justu pabia di sigi lei, nta mortu di Kristu ka sedu nada.

Gálatas 6:14

Pa Deus lunjusin di njata na utru kusa ku ka sedu krus di no Siñor Jesus Kristu, kil ku, pabia del, mundu sta krusifikadu pa mi, ami pa mundu.

Ripitison di Lei 32:4

El i Roca; kusas ki fasi i pirfitu; tudu si kamiñus sedu justu. Deus i bardadi; injustisa ka sta nel; el i justu, i retu.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

Titu 1:2

na speransa di vida ku ka ta kaba. Deus, ku ka ta konta mintida, falaba ja antis di kumsada di tempu, kuma i na danu e vida.

Ebreus 6:18

Asin i ten e dus kusa ku ka pudi maina, ku Deus ka pudi konta mintida pa el, ku ta danu koraẑen, anos ku sta suguru, manera ku no pega na speransa ku sta no dianti.

1 Jon 5:10

Kin ku fia na Fiju di Deus i tene e tustumuñu dentru del. Kin ku ka fia na Deus, i na comal munturus, pabia i ka fia na tustumuñu ki da di si Fiju.

1 Jon 5:20

No sibi kuma Fiju di Deus bin ja, i danu ntindimentu pa no kunsi Deus ki di bardadi. No sta na kil ki di bardadi, ku sedu si Fiju Jesus Kristu. Es i Deus di bardadi; i vida ku ka ta kaba.

Apokalipsi 3:7

“Skirbi pa anju di igreẑa di Filadélfia, bu falal: ‘Es i palabra di kil ki santu, i di bardadi, ku tene cabi di Davi. Si i yabri, ningin ka pudi fica; si i fica, ningin ka pudi yabri.