Romanus 3:29 - BIBLIA - traduson antigu in Krioulo

²⁹ Nta Deus i son di judeus? I ka Deus di jintius tambi? Sertu i delis tambi,

Romanus 3:29 ပူးပေါင်းရင်းမြစ်များ

Kumsada 17:18

Abraon fala Deus: “N misti son pa bu pui uju riba di Ismael.”

Salmus 22:7

Tudu jinti ku ojan e ta fasin trosa, e tira se lingua, e balansa kabesa, e fala:

Salmus 67:2

pa bu kamiñu pudi kunsidu na mundu, pa tudu nasons pudi kunsi bu salbason.

Salmus 72:17

Si nomi pa i kontinua pa sempri; pa i pasantadu di papes pa fijus nkuantu sol na yardi. Jinti na bensuadu pabia del; tudu nasons na comal sortiadu.

Isaias 54:5

Kil ku kumpou, i el ki bu omi; si nomi i SIÑOR ku ten tudu puder. Deus Santu di Israel i bu Libertadur; el i na comadu Deus di tudu mundu.

Jeremias 16:19

O SIÑOR, ña forsa, ña difesa, ña kau di sukundi na dia di foronta, nasons na bin pa bo di utru ladus di mundu, e na fala: “No papes yardaba son mintida, idulus ku ka bali, ku ka ten purbitu.

Jeremias 31:33

“Es i kontratu ku N na fasi ku pobu di Israel na ki tempu: Ami, SIÑOR, N na pui ña lei na se kabesa, N na skirbil na se korson. N na sedu se Deus; elis e na sedu ña pobu.

Oseias 1:10

Fijus di Israel na ciu suma reia di mar, ku ka pudi mididu nin fasidu konta del. Nunde ke faladu: “Abos i ka ña pobu,” e na faladu: “Abos i fijus di Deus bibu.”

Zakarias 2:11

Na ki dia manga di nason na bin pa sta juntu ku SIÑOR, e na sedu si pobu. El i na mora na bu metadi. Bu na sibi kuma SIÑOR ku ten tudu puder mandan pa bo.

Malakias 1:11

Ña nomi na sedu garandi na metadi di nasons desdi saida di sol te na si kaida; na tudu lugar nsensu ku ofertas puru na pursentadu na ña nomi, pabia ami N na sedu garandi na metadi di nasons.” Asin ku SIÑOR ku ten tudu puder fala.

Mateus 22:32

‘Ami i Deus di Abraon, Deus di Isak, Deus di Jakó’? Ma Deus i ka Deus di mortus, i Deus di bibus.”

Mateus 28:19

Asin, bo bai pa jinti di tudu nasons, bo fasi elis ña disipulus. Bo batisa elis na nomi di Pape, di Fiju ku Spiritu Santu.

Atus 10:34

Pedru toma palabra, i fala: “Agora N rapara kuma, na bardadi, Deus ka ta fasi skuju di jinti,

Atus 22:21

Siñor falan: ‘Bai, pabia N na mandau lunju pa jinti ku ka sedu judeu.’ ”

Atus 26:17

N na librau di bu pobu, ku jintius ku N na bin mandau pa elis,

Atus 9:15

Siñor falal: “Bai, pabia e omi li i un servu ku N kuji pa i leba ña nomi dianti di jintius, ku reis, ku pobu di Israel.

Romanus 1:16

N ka ta sinti borgoña di Bon Noba di Kristu, pabia i puder di Deus pa salba tudu kil ku fia nel, purmeru judeus, ku kilis ki ka judeus tambi.

Romanus 10:12

Deus ka ta diferensia judeu ku kil ki ka judeu. Ki mesmu algin i Siñor di tudu; i riku pa tudu ku ta comal,

Romanus 15:16

pa N sedu servu di Jesus Kristu pa leba si palabra pa jintius, pa N tarbaja na anunsiu di Bon Noba di Deus, pa jintius pudi setadu suma oferta ku Spiritu Santu santifika.

Gálatas 3:14

Kristu fasi asin pa benson ku Deus fala i na da Abraon pudi dadu pa jintius pabia di Jesus Kristu, pa anos, suma no fia, no pudi risibi Spiritu ku Deus fala i na da.

Efésius 3:6

Ki sigridu i kuma, pabia di Bon Noba, jintius ten parti juntu ku judeus na bon kusas ku Deus ta da. E juntadu na mesmu kurpu; e na ten parti na purmesa ku Deus fasi na Kristu Jesus.

Kolosensis 3:11

Ali i ka ten separason entri gregu ku judeu, entri kil ku sirkunsidadu ku kil ku ka sirkunsidadu, entri stranjeru ku jintiu brabu, entri katibu ku libri, ma Kristu i tudu; i sta na tudu.