Romanus 3:22 - BIBLIA - traduson antigu in Krioulo

²² Deus ta fasi jinti ku fia na Jesus Kristu pa e sedu justu. El i ka ta fasi skuju; i pa tudu kil ku ten fe.

Romanus 3:22 ပူးပေါင်းရင်းမြစ်များ

Isaias 61:10

N na kontenti dimas na SIÑOR; ña korson sta alegri na ña Deus, pabia i bistin ku ropa di salbason, i kubrin ku manta di retidon, suma noivu ku ta faja kabesa suma saserdoti, o suma noiva ku ta faja ku si pedras di balur.

Jeremias 23:6

Na si tempu Judá na sedu salbu; Israel na sinta suguru. Nomi ki na ba ta comadu i SIÑOR NO JUSTISA.

Daniel 9:24

“Kuatrusentus i noventa anu markadu pa bu pobu ku bu prasa sagradu, pa kaba ku kebra lei, pa para pekadus, pa ranja purdon di mal, pa yentranda justisa ku ka na kaba, pa kumpri vison ku anunsius, tambi pa torna dedika kau mas sagradu.

Lukas 15:22

Pape fala si kriadus: ‘Bo tisi dipresa ki ropa mas minjor, bo bistil el; bo pul anel na dedu, bo kalsal sapatu.

Atus 11:12

Spiritu falan pa N bai ku elis, pa N ka duvida. Tambi e seis ermon bai ku mi; no yentra na kasa di ki omi.

Atus 15:9

I ka fasi nin un diferensa entri elis ku nos. Suma e fia, i purifika se korson.

Atus 3:16

I fe na si nomi ku da forsa pa e omi, ku bo na oja, bo kunsi. I nomi di Jesus, ku fe ku bin pabia del, ku dal e kura kompletu ku abos tudu bo oja.

Romanus 1:17

I ta mostra kuma ku Deus ta fasi algin justu si dianti. Di kumsada te fin i son pa fe, suma ki sta skritu na palabra di Deus: “Omi justu i na vivi pabia di si fe.”

Romanus 10:12

Deus ka ta diferensia judeu ku kil ki ka judeu. Ki mesmu algin i Siñor di tudu; i riku pa tudu ku ta comal,

Romanus 10:4

Kristu i kabantada di lei di Moisés, pa tudu kilis ku seta Kristu pudi ojadu justu.

Romanus 2:1

Abo, omi, kualker ku bu sedu, si bu na julga, bu ka ten diskulpa. Na kil ku bu na julga utru, bu na kondena bu kabesa, pabia bu na fasi suma el.

Romanus 3:30

suma Deus i un son, ku ta fasi judeu justu pabia di fe; i ta fasi tambi jintiu ku ten fe nel justu.

Romanus 4:16

Asin purmesa i pabia di fe, pa i pudi dadu di grasa, pa i sedu purmesa sertu pa jorson di Abraon. I ka son pa kilis ku tene lei, ma tambi kilis ku ten fe suma Abraon, kil ku sedu pape di nos tudu.

Romanus 8:1

I ka ten kondenason pa kilis ku liga ja ku Kristu Jesus, [ku ka ta yanda konformi vontadi di se kurpu, ma konformi Spiritu,]

Romanus 9:30

Ke ku no na fala gora? No na fala kuma jintius ku ka na buskaba sedu justu, e bin ojadu justu pabia di se fe,

1 Koríntius 12:13

Anos tudu no batisadu na un Spiritu, pa no forma un kurpu son, judeus ku gregus, katibus ku kilis ku sta libri. I ki un Spiritu ku dadu pa nos tudu no bibi nel.

1 Koríntius 4:7

Kin ku ta diferensiau? Ke ku bu tene ku bu ka dadu el? Si bu dadu el, ke ku manda bu na njata suma bu ka patidu nan el?

Gálatas 2:16

ma suma no sibi kuma omi i ka fasidu justu pabia i fasi kil ku lei fala, ma pa fe na Jesus Kristu, anos tambi no seta Jesus Kristu pa no pudi fasidu justu pa fe nel; i ka pabia no fasi kil ku lei fala. Ningin ka pudi fasidu justu pabia i fasi kil ku lei fala.

Gálatas 2:20

N sta ja krusifikadu ku Kristu. N na vivi; i ka ami ku na vivi, ma Kristu na vivi na mi. Vida ku gosi N na vivi na kurpu, N na vivil na fe ku N ten na Fiju di Deus, kil ku aman, i ntrega si vida pa mi.

Gálatas 3:22

ma Skritura fala kuma, tudu jinti sta bas di puder di pekadu, pa Deus pudi da krentis ki kusa ki fala i na da kilis ku fia na Jesus Kristu.

Gálatas 3:28

Asin i ka ten judeu ku gregu, i ka ten katibu ku libri, i ka ten macu ku femia, pabia abos tudu bo sedu un son na Kristu Jesus.

Efésius 3:12

Na no union ku Kristu, ku no fe nel, no osa yentra ku fiansa dianti di Deus.

Filipensis 3:9

pa N pudi ojadu unidu ku el. Gosi N ka na oja kuma ami N justu pabia di kumpri lei, ma N justu pabia di fe na Kristu. Deus fasin justu pabia di ña fe.

Kolosensis 3:11

Ali i ka ten separason entri gregu ku judeu, entri kil ku sirkunsidadu ku kil ku ka sirkunsidadu, entri stranjeru ku jintiu brabu, entri katibu ku libri, ma Kristu i tudu; i sta na tudu.

Tiagu 2:23

Asin ki sedu suma ku Skritura fala: “Abraon fia na Deus. E ku manda i ojadu justu, i comadu amigu di Deus.”