Romanus 2:29 - BIBLIA - traduson antigu in Krioulo

²⁹ ma judeu i kilis ku sedu dentru delis, ku ten se korson purifikadu. I kusa di Spiritu, i ka di letra. Ki koldadi, i ka omi ku na ngaba elis, ma i Deus.

Romanus 2:29 ပူးပေါင်းရင်းမြစ်များ

1 Kronikas 29:17

Ña Deus, N sibi sertu kuma bu ta proba korson di jinti, bu ta kontenti si bu oja bardadi nel. Ami tambi, N dau tudu e kusas ku sinseridadi di ña korson, ku tudu ña vontadi. Gosi N sta kontenti pa oja manera ku bu pobu ku sta li e dau ku tudu vontadi.

Salmus 45:13

Fiju femia di rei sta na si palasiu; jubi kuma ki bonitu! Si bistidu tisidu ku liña di uru.

Jeremias 4:14

O Jerusalen! Laba bu korson di maldadi, pa bu sedu salbu. Te kal tempu ku bu na kontinua tene mau pensamentus?

Jeremias 4:4

Bo purifika bo vida pa SIÑOR, bo tira impuresa di bo korson, abos omis di Judá ku moraduris di Jerusalen, pa ka ña raiba bin rebenta suma fugu ku na yardi sin ningin ku na pagal, pabia di mal ku bo fasi.”

Jeremias 9:25

SIÑOR diklara i fala: “I na ciga tempu ku N na kastiga tudu kilis ku sirkunsidadu son na kurpu,

Lukas 11:39

Siñor falal: “Abos fariseus, bo ta limpa fora di kopu ku pratu, ma bo ta disa dentru inci kubisa ku maldadi.

Lukas 17:21

Ningin ka ta fala: ‘Jubi, alil li!’ o: ‘Alal la!’ pabia renu di Deus sta na bo metadi.”

Bon Noba di Jesus Kristu ku Jon 12:43

E amaba mas gloria di omi di ki gloria di Deus.

Bon Noba di Jesus Kristu ku Jon 4:23

Ora na bin, i ciga ja, ku adoraduris di bardadi na adora ña Pape ku Spiritu ku bardadi, pabia ña Pape ta buska kil ku ta adoral asin.

Bon Noba di Jesus Kristu ku Jon 5:44

Kuma ku bo pudi setan si bo na risibi rispitu di ŋutru, bo ka na buska rispitu ku bin di kil ki uniku Deus?

Romanus 14:17

Renu di Deus i ka kumida, nin bibida, ma i pa tene vida justu ku pas ku alegria ku Spiritu Santu ta da.

Romanus 2:27

Si algin ku ka sirkunsidadu na kurpu na fasi suma ku lei fala, i na bin julgau, abo ku sirkunsidadu, bu tene lei skritu, ma bu ta kebra lei.

Romanus 3:1

Kal purbitu ku judeu ten? O kal ki balur di sirkunsison?

Romanus 7:6

ma gosi no libradu di lei, pabia no muri pa kil ku peganuba, pa no pudi sirbi na nobu vida di Spiritu, te pa no sirbi lei ku sta skritu, suma ku no ta fasiba antigamenti.

1 Koríntius 4:5

Asin, ka bo julga antis di ora. Bo pera tok Siñor bin. I na pui na lus kusa ku sukundidu na sukuru. I na mostra kalkulus ku sta dentru di jinti. Dipus, Deus ta ngaba kada kin suma ki mersi.

1 Koríntius 7:19

Sirkunsison i ka nada. Tambi falta di sirkunsison i ka nada. Kusa ki importanti i pa obdisi mandamentu di Deus.

2 Koríntius 10:18

Kil ku Siñor pensa ben del, el ku ta setadu; i ka kil ku ta ngaba si propi kabesa.

2 Koríntius 3:6

I el ku fasinu kapas di konta jinti aserka di nobu kontratu, ku ka sedu lei skritu, ma di Spiritu. Lei ku skirbidu i ta mata, ma Spiritu ta da vida.

Ripitison di Lei 10:16

Bo tira susidadi na bo korson; bo para fasi risu kabesa.

Ripitison di Lei 30:6

SIÑOR bu Deus na tira maldadi di bu korson, ku korson di bu fijus, pa bu pudi ama SIÑOR bu Deus di tudu bu korson ku bu alma, pa bu pudi tene vida.

Filipensis 3:3

I anos ku risibi sirkunsison di bardadi, pabia no ta adora Deus na Spiritu. No njatamentu i na Kristu Jesus; no ka fiansa na kusas di kurpu.

1 Tesalonisensis 2:4

ma suma ku Deus ojanu dignu, i fiansa na nos, i ntreganu Bon Noba, asin ku no na fala. I ka pa pui omi kontenti, ma no misti kontenta Deus ku ta proba no korson.

1 Pedru 3:4

ma bo fajamentu i di dentru di korson, un bistimentu ku ka ta dana, ku sedu spiritu mansu, ketu, ku ten balur dianti di Deus.

1 Samuel 16:7

Ma SIÑOR fala Samuel: “Ka bu mporta ku si parsensa, manera ki altu asin, pabia N negal. SIÑOR ka ta jubi manera ku omi ta jubi, pabia omi ta jubi kil ku sta dianti di si uju, ma SIÑOR ta jubi korson.”