Romanus 2:25 - BIBLIA - traduson antigu in Krioulo

²⁵ Si bu guarda lei, bu sirkunsison na bardadi i ten balur, ma si bu kebra lei, bu sirkunsison i suma nada.

Romanus 2:25 ပူးပေါင်းရင်းမြစ်များ

Jeremias 4:4

Bo purifika bo vida pa SIÑOR, bo tira impuresa di bo korson, abos omis di Judá ku moraduris di Jerusalen, pa ka ña raiba bin rebenta suma fugu ku na yardi sin ningin ku na pagal, pabia di mal ku bo fasi.”

Atus 7:51

“Abos i omis ku risu garganti, korson risu tambi, ku oreja ku ka ta obi! Abos sempri bo ta luta kontra Spiritu Santu; suma ku bo papes fasi, asin tambi ku bo sedu.

Romanus 2:13

I ka son obi lei ku ta pui algin justu dianti di Deus, ma kilis ku ta fasi kil ku lei manda, elis ku ta ojadu justu.

Romanus 2:23

Abo ku ta njata na lei, bu na falta Deus rispitu manera ku bu na kebra lei?

Romanus 2:26

Nta si algin ku ka sirkunsidadu guarda mandamentus di lei, si dunu ka ta sta suma kil ku sirkunsidadu?

Romanus 2:27

Si algin ku ka sirkunsidadu na kurpu na fasi suma ku lei fala, i na bin julgau, abo ku sirkunsidadu, bu tene lei skritu, ma bu ta kebra lei.

Romanus 2:28

Judeu i ka son kilis ku parsil di fora, nin i ka kilis ku sirkunsidadu na kurpu,

1 Koríntius 7:19

Sirkunsison i ka nada. Tambi falta di sirkunsison i ka nada. Kusa ki importanti i pa obdisi mandamentu di Deus.

Gálatas 6:13

Mesmu kilis ku ta sirkunsida jinti e ka ta obdisi tudu lei; e misti son pa bo sirkunsidadu pa e njata suma ku bo seta fasi ki sirmonia di kurpu.

Gálatas 6:15

I ka ten nin importansia si algin sirkunsidadu o nau; ma ke ki importanti i pa sedu nobu algin.

Ripitison di Lei 30:6

SIÑOR bu Deus na tira maldadi di bu korson, ku korson di bu fijus, pa bu pudi ama SIÑOR bu Deus di tudu bu korson ku bu alma, pa bu pudi tene vida.