Romanus 2:22 - BIBLIA - traduson antigu in Krioulo

²² Abo ku fala pa ka kai ku algin ku bu ka kasa ku el, bu na fasil? Abo ku nfastia iran, bu na furta na baloba?

Romanus 2:22 ပူးပေါင်းရင်းမြစ်များ

Salmus 50:17

Bu ka misti pa N nsinau; bu ta bota ña palabra bu tras.

Jeremias 5:7

“Kuma ku N pudi purdau? Bu fijus e disan, e ta jurmenta na nomi di kilis ku ka sedu deusis. N da elis tudu ke pirsisa, ma e bai fasi pekadu seksual; e bai junta na grupu na kasa di minjeris di mau vida.

Jeremias 9:2

I ta bon ba pa N tene un kasa di ospris la na lala; N ta disaba ña pobu, N lunjusi elis, pabia tudu elis e sedu infiel pa Deus, multidon falsu!

Ezekiel 22:11

Utru bai dita ku minjer di si visiñu; utru kontamina minjer di si fiju, utru abusa na si irma, fiju femia di si pape.

Malakias 1:14

“Pa i sedu maldisuadu ki nganadur ku tene un bon karnel na si koral, i fala i na dal pa SIÑOR, ma i bai pursenta un kusa ku tene difeitu. Ami i garandi Rei; ña nomi i meduñu na metadi di nasons.” Asin ku SIÑOR ku ten tudu puder fala.

Malakias 1:8

Ora ku bo tisi limaria segu pa sakrifika ku el, kila i ka mal? O si bo pursenta limaria manku o duenti, kila i ka mal? Bai pursental pa bu gubernadur! Nta i na kontenti ku bo? I na setau?” Asin ku SIÑOR ku ten tudu puder punta.

Malakias 3:8

“Nta un omi dibi di furta kusa di Deus? Ma abos, bo ta furta di mi. Dipus bo ta punta: ‘Na kal manera ku no ta furta di bo?’ “Na dizimus ku ofertas.

Mateus 12:39

I ruspundi elis, i fala: “E jinti di aos ku sedu mau, ki ka fiel pa Deus, e ta pidi sinal, ma e ka na dadu utru sinal fora di kil di anunsiadur Jonas.

Mateus 16:4

E jinti di aos ku sedu mau, ku ka fiel pa Deus, e na buska un sinal, ma e ka na dadu utru sinal fora di kil di Jonas.” I disa elis, i bai si kamiñu.

Markus 11:17

I nsina elis, i punta: “Nta Deus ka fala na Skritura kuma si kasa na comadu kasa di orason pa jinti di tudu rasa? Ma abos bo fasil kau ku ladron ta sukundi nel.”

Atus 19:37

E omis ku bo tisi li, nin e ka furta na baloba, nin e ka fala mal di no deus.

Romanus 12:9

Ka bo ten amor finjidu. Bo nega mal; bo pega na kil ki bon.

Tiagu 4:4

Abos jinti ku ka fiel pa Deus, bo ka sibi kuma amisadi ku mundu i inimisadi ku Deus? Asin, kil ku misti sedu amigu di mundu i ta bida inimigu di Deus.