Romanus 2:21 - BIBLIA - traduson antigu in Krioulo

²¹ abo propi ku ta nsina utru jinti, bu ka na nsina bu kabesa? Abo ku fala pa ka furta, bu na furta?

Romanus 2:21 ပူးပေါင်းရင်းမြစ်များ

Isaias 42:20

Bu oja manga di kusa, ma nada bu ka pui na sintidu; bu oreja sta abertu, ma bu ka obi nada.”

Isaias 56:11

Ki kacuris faimadu, e ka ta farta. E sedu bakiaduris sin ntindimentu; elis tudu e ta bai kau ke misti, kada kin pa buska pa si kabesa.

Ezekiel 22:27

Se funsionarius sedu suma lubus ku ta rabata limaria ke paña. E ta darma sangi, e mata pa ngaña lukru na tarpasa.

Mikeias 3:11

Se ŝefis ta julga pa suku di bas; se saserdotis ta nsina pa pagamentu; se anunsiaduris ta diviña pa diñeru; ma e ta ngosta na SIÑOR, e fala: “SIÑOR sta na no metadi; nin un mal ka na bin riba di nos.”

Mateus 21:13

I fala elis: “I sta skritu kuma Deus fala: ‘Ña kasa na comadu kasa di orason,’ ma abos bo fasil kau ku ladron ta sukundi nel.”

Lukas 11:46

Jesus ruspundi: “Koitadi di bos tambi, duturis di lei. Bo ta karganta omis kargu kansadu pa karga. Abos propi, nin ku un dedu bo ka ta toka na ki kargu.

Lukas 12:47

“Servu ku sibi vontadi di si patron, ma i ka pruntia, nin i ka fasi suma ku si patron misti, i ta kastigadu ku manga di suti,

Lukas 19:22

Rei falal: ‘Abo i servu mau; N na julgau ku palabra ku bu fala. Suma ku bu sibi kuma ami i omi di korson risu, N ta toma kil ku N ka pui, N ta kebra kil ku N ka sumia,

Lukas 4:23

Jesus fala elis: “N ten sertesa bo na lembrantan e ditu ku fala: ‘Mediku, kura bu kabesa.’ Bo na falan pa N fasi li na ña prasa tudu ku bo obi i fasidu na Kafarnaun.”

1 Koríntius 9:27

N ta kastiga ña kurpu, N ta pul bas di ña ordi pa, dipus di N konta utru jinti palabra di Deus, ami propi pa ka N bin fika raprobadu.

Gálatas 6:13

Mesmu kilis ku ta sirkunsida jinti e ka ta obdisi tudu lei; e misti son pa bo sirkunsidadu pa e njata suma ku bo seta fasi ki sirmonia di kurpu.