Romanus 16:17 - BIBLIA - traduson antigu in Krioulo

¹⁷ Ermons, N na roga bos pa bo toma sintidu ku kilis ku ta bai kontra nsinu ku bo dadu; e ta tisi divison na bo metadi, e ta pui utrus pa e kai na fe. Bo lunjusi delis,

Romanus 16:17 ပူးပေါင်းရင်းမြစ်များ

Mateus 18:17

Si i nega obi elis, konta asuntu na igreẑa. Tambi si i nega obi igreẑa, tratal suma algin ku ka kunsi Deus, suma kobradur di mpustu.

Mateus 18:7

“Koitadi di mundu, pabia kusas di pui algin kai ten ku bin, i ka ta maina, ma koitadi di algin ku ta pui utru jinti pa e kai na pekadu.

Mateus 7:15

“Bo toma sintidu ku anunsiaduris falsu ku bin nunde bos bistidu suma karnel, ma dentru e sedu lubus ku ta mata.

Lukas 17:1

Jesus fala si disipulus: “Kusas ku ta pui algin kai na pekadu e ten ku kontisi, ma koitadi di ki algin ku pui elis pa e kontisi.

Atus 15:24

Suma ku no obi kuma, utru jinti ku sai na no metadi (kontudu no ka manda elis) e kansa bos ku se palabra, e tarpaja bo pensamentu,

1 Koríntius 11:18

Purmeru kusa, N obi kuma, si bo junta pa adora Deus, bo ta dividi grupus. Na un parti N fia kuma i bardadi.

1 Koríntius 3:3

pabia bo na yanda inda suma jinti de mundu. Manera ku na bo metadi i ten inda nveẑa ku jus, bo ka sedu nan jinti di mundu? Bo ka na yanda suma utru jinti?

Gálatas 2:4

kontudu utrus mistiba pa i sedu. E finji sedu ermons, e yentra sukundidu suma spion pa pudi jubi liberdadi ku no ten na no ligason ku Kristu Jesus. E misti mitinuba na kansera di lei,

Filipensis 3:17

Ermons, bo ba ta remendan. Bo jubi pa kilis ku na yanda na manera ku no mostra bos.

Kolosensis 2:8

Bo toma sintidu pa ka ningin fasi bos prezu ku si ideias di nganu ku ka ten balur, ku bin di nsinamentu ku omi ta pasanta pa si fiju, ku fiju di si fiju, ku bin tambi di nsinamentu di mundu, ma i ka bin di Kristu.

2 Tesalonisensis 3:6

Ermons, no manda bos na nomi di no Siñor Jesus Kristu pa bo lunjusi di tudu ermon ku na yanda na prigisa, ku ka ta sigi nsinamentu ku no dal.

1 Timótiu 1:3

Oca ku N na baiba pa Masedonia, N rogau pa bu fika na Éfesu, pa manda sertu jinti pa e para ku nsinamentus falsu,

2 Timótiu 3:5

E na parsi suma e ten riliẑion, ma e na nega si puder. Lunjusi di ki koldadi jinti.

Titu 3:10

Algin ku ta tisi rapatimentu, dal avisu te dus bias. Dipus, bu libra del.

1 Jon 2:19

E sai na no metadi, ma e ka pertensinu, pabia si elis e seduba di nos e ta fikaba ku nos. E sai pa i pudi mostradu klaru kuma elis i ka di nos.

Judas 1:19

I esis ku ta tisi rapatimentu na metadi di jinti. E ta sigi son vontadi di se kabesa; e ka tene Spiritu di Deus.