Romanus 15:3 - BIBLIA - traduson antigu in Krioulo

³ Nin Kristu ka agrada si kabesa, suma ki sta skritu: “Njurias di kilis ku na njuriau kai riba di mi.”

Romanus 15:3 ပူးပေါင်းရင်းမြစ်များ

Salmus 69:20

Koba mal kebrantan korson; N fika fraku dimas. N pera kin ku na sinti pena di mi, ma i ka ten. N pera kin ku na dan konfortu, ma N ka oja ningin.

Salmus 69:9

Amor pa bu kasa na keman; kilis ku kobau mal, i ta kai riba di mi.

Mateus 10:25

Basta pa disipulu sta suma si mestre, pa kriadu sta suma si patron. Si e coma dunu di kasa Beelzebu, ku fadi restu di familia!

Mateus 26:39

I bai dianti un bokadu, i mborka ku rostu na con, i ora, i fala: “Ña Pape, si i pudi sedu, lunjusi di mi e kopu di sufrimentu, ma i ka na manera ku N misti, ma suma ku bu misti.”

Mateus 26:42

I bai sugundu bias pa ora, i fala: “Ña Pape, si e kopu ka pudi lunjusi di mi sin N bibil, fasi ke ku bu misti.”

Mateus 27:44

Ki ladrons ku krusifikadu ku el e na kobalba tambi di mesmu manera.

Bon Noba di Jesus Kristu ku Jon 15:10

Si bo obdisi ña mandamentus, bo ta kontinua na ña amor, di mesmu manera ku N obdisi mandamentus di ña Pape, N kontinua na si amor.

Bon Noba di Jesus Kristu ku Jon 15:24

Si N ka fasiba e kusas na se metadi ku nunka ningin ka fasi, e ta tenba diskulpa na se pekadu, ma gosi e oja kil ku N fasi, e nfastian, ami ku ña Pape.

Bon Noba di Jesus Kristu ku Jon 4:34

Jesus fala elis: “Ña kumida i pa N fasi vontadi di kil ku mandan, pa N kompleta si tarbaju.

Bon Noba di Jesus Kristu ku Jon 5:30

“Ami na ña forsa N ka pudi fasi nada; suma ku N obi, asin ku N ta julga. Ña juisu i justu, pabia N ka misti fasi ña vontadi, ma vontadi di ña Pape ku mandan.

Bon Noba di Jesus Kristu ku Jon 6:38

Ami N ria na seu, i ka pa N fasi ña vontadi, ma pa N fasi vontadi di kil ku mandan.

Bon Noba di Jesus Kristu ku Jon 8:29

Kil ku mandan sta ku mi. I ka disan ami son, pabia N ta fasi sempri kusas ki gosta.”

2 Koríntius 8:9

Bo sibi kuma no Siñor Jesus Kristu staba pruntu pa da. El i seduba riku, ma pa amor di bos i bida pobri, pa i pudi fasi bos riku pabia di si pobresa.

Filipensis 2:5

Sentimentu ku bo dibi di ten i kil ku Kristu Jesus tenba, suma ku no ta kanta:

Filipensis 2:8

Oca i staba na forma di omi, i baŝa si kabesa; i yanda sempri na obdiensia te mortu, ki mortu di krus.