Romanus 15:26 - BIBLIA - traduson antigu in Krioulo

²⁶ pabia igreẑas di Masedonia ku Akaia e oja kuma e dibi di lantanda un oferta pa juda pobris na metadi di krentis na Jerusalen.

Romanus 15:26 ပူးပေါင်းရင်းမြစ်များ

Ditus 14:21

Kil ku njuti si kumpañer i na peka, ma kil ku mostra bondadi pa koitadis i na sortiadu.

Ditus 14:31

Kin ku kalka koitadi i na koba kil ku kumpul, ma kin ku mostra bondadi pa koitadi i na da Deus gloria.

Ditus 17:5

Kil ku fasi trosa di koitadi i na koba Deus ku kumpul. Kil ku na ŋumini utru na kastigu, el propi i ka na kaplil.

Zakarias 11:11

Asin, kontratu nuladu na ki dia. Koitadis di koral ku na jubiba pa mi e bin rapara kuma es i palabra di SIÑOR.

Zakarias 11:7

N bakia ki karnel ku markadu pa matadu; kilis ku kalkaduba, N trata elis diritu. N ranja dus manduku, N coma un Fabur, N coma ki utru Union. Asin ku N bakia ki karnel.

Mateus 25:40

Rei na ruspundi elis: ‘Na bardadi, N na konta bos, kada bias ku bo fasilba pa un de ña ermons mas pikininu, i ami propi ku bo fasil.’

Mateus 26:11

Sempri bo tene koitadis ku bos, ma ami, bo ka na tenen sempri.

Lukas 14:13

ma ora ku bu fasi festa, kumbida jinti pobri, manku, ku segu.

Lukas 6:20

Dipus i rabida, i jubi si disipulus, i fala: “Abos koitadis, bo sortiadu, pabia bo na ten parti na renu di Deus.

Atus 16:12

Di la no bai pa Fílipus, prasa mas importanti na ki parti di Masedonia; i un kolonia di Roma. No fika la puku dia.

Atus 16:9

Na ki di noti Paulu oja un vison. Un omi di Masedonia staba sikidu si dianti, ku pidil i falal: “Bin pa Masedonia, bu judanu.”

Atus 18:12

Oca Gáliu i gubernadur di Akaia, judeus junta, e lanta kontra Paulu, e lebal tribunal,

Atus 19:21

Dipus de kusas kontisi, Paulu pui na si sintidu visita Masedonia ku Akaia, dipus pa pasa pa Jerusalen. I fala: “Dipus di N sta la, N ten ku visita Roma tambi.”

Atus 9:13

Ananias ruspundi i falal: “Siñor, N obi na boka di manga di jinti aserka de omi li, kantu mal ki fasi bu pobu na Jerusalen.

1 Koríntius 16:15

Ermons, bo kunsi familia di Stéfanas, kuma elis i purmeru konvertidus na Akaia. E ntrega se vida pa sirbi pobu di Deus. N roga bos

1 Koríntius 16:5

N na bai visita bos dipus di N pasa na Masedonia, pabia N ten ku pasa la.

2 Koríntius 1:16

pabia, suma ku N na baiba pa Masedonia, N mistiba panti N visita bos; ora ku N na riba, pa N torna visita bos, pa bo judan na ña bias pa Judeia.

2 Koríntius 11:9

Ermons ku bin di Masedonia e judan na ña falta. Na tudu N libra di sedu pisadu pa bos; N na kontinua libra inda.

2 Koríntius 2:13

N staba tarpajadu dentru di mi suma ku N ka oja ña ermon Titu la. E ku manda N dispidi elis, N bai pa Masedonia.

2 Koríntius 7:5

Mesmu oca no ciga Masedonia, no ka tenba diskansu na kurpu. No kansa na tudu ladu — geras pa fora, medu dentru di no korson,

2 Koríntius 9:12

E tarbaju i ka son pa juda na falta ku pobu di Deus ten, ma tambi i ta darma na manga di gardisimentu pa Deus.

2 Koríntius 9:2

pabia N sibi kuma bo sta pruntu. E ku manda N ngaba bos dianti di jinti di Masedonia; N fala elis kuma jinti di Akaia sta pruntu disna di anu pasadu. Bon vontadi di bos disperta korson di manga delis.

2 Koríntius 9:4

Si jinti di Masedonia bai ku mi, e ka oja bos purparadu, i garandi borgoña pa nos, pa fiansa ku no mostra na bos. Abos tambi bo ta burguñu.

Filipensis 4:15

Abos di Fílipus, bo sibi diritu, na kumsada di tarbaju di konta Bon Noba, oca ku N sai di Masedonia, kuma nin un igreẑa ka lembra di manda patin kualker sustentu, son abos.

1 Tesalonisensis 1:7

Asin bo bin sedu isemplu pa tudu krentis na Masedonia ku Akaia.

1 Tesalonisensis 1:8

Palabra di Siñor sai di bos, i obidu; i ka son na Masedonia ku Akaia, ma tambi na tudu lugar, noba di bo fe na Deus i ciga na oreja di jinti, tok no ka ten mas nada di fala,

1 Tesalonisensis 4:10

Na bardadi i asin ku bo na fasi ku tudu ermons ku sta na tudu Masedonia, ma no na pidi bos, ermons, pa bo fasi forsa mas inda.

1 Timótiu 1:3

Oca ku N na baiba pa Masedonia, N rogau pa bu fika na Éfesu, pa manda sertu jinti pa e para ku nsinamentus falsu,

Filemon 1:5

pabia N ta obi di bu amor pa tudu pobu di Deus, ku fe ku bu ten na Siñor Jesus.