Romanus 15:14 - BIBLIA - traduson antigu in Krioulo

¹⁴ Ña ermons, ami propi N ten sertesa kuma abos bo inci ku bondadi ku kuñisimentu, bo sibi konsija ŋutru.

Romanus 15:14 ပူးပေါင်းရင်းမြစ်များ

1 Koríntius 1:5

pabia na bo union ku Kristu bo fasidu riku na tudu, na palabra, tambi na kil ku bo sibi.

1 Koríntius 12:8

pabia Spiritu ta da un algin palabra di jiresa; i ta da utru palabra di kuñisimentu;

1 Koríntius 13:2

N pudi tene don di anunsia rekadu di Deus, N kunsi tudu kusa sukundidu, N sibi tudu kusa; N pudi ten garandi fe pa N mundanta montis, ma si N ka ten amor, N ka na sedu nada.

1 Koríntius 8:1

Gosi N na ruspundi bo purgunta aserka di karni di ronia. I bardadi ku “anos tudu no ten ntindimentu”, suma ku bo fala, ma e ntindimentu i ta pui algin inci ku orgulyu. Amor ta juda.

1 Koríntius 8:10

Si algin ku tene konsiensia fraku ojau, abo ku ten kuñisimentu, bu sinta na mesa na lugar di sirmonia, i ka ta dal koraẑen pa i kume karni di ronia?

1 Koríntius 8:7

I ka tudu ku ten e ntindimentu. Utrus kustuma dimas ku idulu. Te gosi, ora ke na kume, e ta sinti suma ki karni i di idulu. Manera ku se konsiensia i fraku, e ta sinti susu.

2 Koríntius 8:7

Bo sedu riku na tudu — na fe, na palabra, na kuñisimentu, na pruntidon pa juda, na bo amor pa nos. Tambi no misti pa bo sedu bon na da.

Efésius 5:9

Nunde ku lus sta, tudu bondadi ta nasi, ku kusa justu, ku bardadi.

Filipensis 1:11

Ku puder ku Jesus Kristu ta pui dentru di bos, bo ta mostra ki bon manera di sedu ku ta pui jinti glorifika Deus, pa e ngabal.

Filipensis 1:7

N tene bos sempri na ña korson. E ku manda N oja kuma i justu pa N sinti asin pa bos, pabia abos tudu bo ta toma parti na mison ku Deus dan, tantu na kalabus suma ora ku N na difindi pa firmanta bardadi di Bon Noba.

Kolosensis 3:16

Bo disa palabra di Kristu fika na bo korson, na si rikesa, ku tudu jiresa. Bo nsina, bo konsija ŋutru, bo kanta salmus, inus ku kantigas spiritual, bo kanta pa Deus ku gardisimentu na bo korson.

1 Tesalonisensis 5:11

Asin bo da ŋutru koraẑen, bo juda ŋutru, suma ku na bardadi bo na fasi ja.

1 Tesalonisensis 5:14

Ermons, no roga bos tambi pa bo raprindi risu kilis ku ka ta tarbaja; bo da koraẑen pa kilis ku ta medi; bo juda kilis ku fraku; bo ten pasensa ku tudu jinti.

2 Tesalonisensis 1:11

E ku manda no ta ora sempri pa bos, pa no Deus fasi bos mersidur di vida ki coma bos pa el, pa i kumpri ku si puder tudu bo diseẑu di sedu bon, tambi pa i kompleta bo tarbaju di fe,

2 Timótiu 1:5

N lembra di fe puru ku bu ten, ku staba purmeru na bu dona Loida ku bu mame Eunisi. N fia sertu kuma i sta tambi na bo.

Filemon 1:21

N skirbiu ku fiansa kuma bu na fasi kil ku N pidiu. Bardadi N sibi kuma bu na fasi inda mas.

Ebreus 5:12

Bo ten tempu di sedu ja pursoris, ma inda bo pirsisa di algin pa torna da bos purmeru nsinamentu di palabra di Deus. Te gosi bo pirsisa di dadu liti, te pa bianda risu.

Ebreus 6:9

Mesmu ku no fala asin, ña kiridu amigus, no na pera kusas minjor di bos, kusas ku ta kumpaña salbason.

2 Pedru 1:12

Asin N ka na disa di lembra bos sempri de kusas, kontudu bo sibi elis, bo sta firmadu na bardadi ku bo tene ja.

1 Jon 2:21

I ka suma bo ka kunsi bardadi ku manda N na skirbi bos, ma pabia bo kunsil; tambi bo sibi kuma nin un mintida ka ta sai na bardadi.